തിരുവനന്തപുരം: സംസ്ഥാനത്ത് രണ്ട് ദിവസം കൂടി ശക്തമായ മഴയ്ക്ക് സാധ്യത. ആശ്വാസമായി തിങ്കളാഴ്ച മുതല് വടക്കന് ജില്ലകളില് മഴയുടെ ശക്തി കുറയുമെന്ന് പ്രവചനം. ഞായറാഴ്ച കോഴിക്കോട്, വയനാട്, കണ്ണൂര്, കാസര്കോട് ജില്ലകളില് മാത്രമാണ് മഴ മുന്നറിയിപ്പുള്ളത്. ഈ ജില്ലകളില് യെല്ലോ അലര്ട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. തെക്ക് പടിഞ്ഞാറന് ബംഗാള് ഉള്ക്കടലിനും വടക്കന് ഒഡിഷക്കും മുകളിലായി ന്യൂനമര്ദ്ദം രൂപപ്പെട്ടു. ഇന്നും നാളെയും മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിന് സാധ്യതയുണ്ട്. സോമാലിയ തീരം, മധ്യ പടിഞ്ഞാറന് അറബിക്കടല്, തെക്ക് പടിഞ്ഞാറന് അറബിക്കടല്, മധ്യ കിഴക്കന് അറബിക്കടല്, വടക്കന് അറബിക്കടല് എന്നിവിടങ്ങളിലാണ് കാറ്റിന് സാധ്യത. കേരള, ലക്ഷദ്വീപ് തീരത്ത് ഇന്നും നാളെയും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
