കാസർകോട്: യുവതിയെ ആൾമറയില്ലാത്ത കിണറിൽ മരിച്ച നിലയിൽ കണ്ടെത്തി. മടിക്കൈ ചാളക്കടവ് ആയുർവേദ ആശുപത്രിക്ക് സമീപത്തെ ഓട്ടോ ഡ്രൈവർ സുരേന്ദ്രന്റെ ഭാര്യ സരള (46 )ആണ് മരിച്ചത്.
ചൊവ്വാഴ്ച വൈകുന്നേരമാണ് സംഭവം. കിണറിന്റെ ഒരു ഭാഗം ഇടിഞ്ഞ നിലയിലായിരുന്നു. തോട്ടത്തിലുള്ള കിണറിന്റെ പരിസരത്ത് ചെരിപ്പ് കണ്ടതിനെ തുടർന്ന് നടത്തിയ അന്വേഷണത്തിലാണ് യുവതി കിണറിൽ വീണു കിടക്കുന്നത് കണ്ടത്. അബദ്ധത്തിൽ കാൽ തെന്നി വീണതാണെന്ന് സംശയിക്കുന്നു. വിവരത്തെ തുടർന്ന് ഫയർഫോഴ്സും പൊലീസും സ്ഥലത്തെത്തി. കിണറിൽ നിന്ന് യുവതിയെ പുറത്തെടുത്ത് കാഞ്ഞങ്ങാട് ജില്ലാ ആശുപത്രിയിൽ എത്തിച്ചെങ്കിലും മരിച്ചിരുന്നു. മുളിയാർ കാടകം സ്വദേശിനിയാണ്.
ഏക മകൾ ആവണി. വിടി കൊട്ടനാണ് പിതാവ്.