മംഗളൂരു: മംഗളൂരു- ബംഗളൂരു പാതയിൽ മണ്ണിടിഞ്ഞു വീണതിനെ തുടർന്ന് ട്രെയിനുകൾ വഴി തിരിച്ചുവിടുന്നു. കോഴിക്കോട് നിന്ന് മംഗളൂരു വഴി ബംഗളൂരുവിലേക്ക് പോകേണ്ട കെഎസ്ആർ( 16512)ട്രെയിൻ ഇന്ന്( ഞായർ) രാത്രി 8.10ന് മംഗളൂരിൽ നിന്ന് പുറപ്പെട്ട് കോഴിക്കോട് പാലക്കാട് വഴി ബംഗളൂരുവിലേക്ക് പോകും. കാസർകോട്, കണ്ണൂർ ജില്ലകളിലെ യാത്രക്കാർ ഈ സൗകര്യം ഉപയോഗപ്പെടുത്തണമെന്ന് റെയിൽവേ അറിയിച്ചു. മംഗളൂരു ബംഗളൂരു പാതയിൽ എടകുമാരി- ശ്രീവഗിലു സ്റ്റേഷനുകൾക്കിടയിലുള്ള റെയിൽവേ ട്രാക്കിലേക്ക് ശനിയാഴ്ച രാത്രി മണ്ണിടിഞ്ഞ് വീണിരുന്നു. മണ്ണ് നീക്കം ചെയ്യാനുള്ള ആരംഭിച്ചിട്ടുണ്ട്.