യു.എസ് – ഇറാൻ സംഘർഷം –
​അതിർത്തി പ്രദേശങ്ങളിൽ സംഘർഷം രൂക്ഷം: പേർഷ്യൻ ഗൾഫ് മേഖലയിലും ഹോർമുസ് കടലിടുക്കിലും യു.എസ് – ഇറാൻ സംഘർഷം തുടരുകയാണ്. യു.എസ് സൈനിക വിമാനങ്ങൾക്ക് താവളമൊരുക്കരുതെന്ന് ബൾഗേറിയക്കും സൈപ്രസിനും ഇറാൻ മുന്നറിയിപ്പ് നൽകി.

​സമുദ്ര സുരക്ഷയ്ക്ക് സൗദിയുടെ നീക്കം: മേഖലയിലെ സംഘർഷങ്ങളുടെ പശ്ചാത്തലത്തിൽ റെഡ് സീ, അറബിക്കടൽ കേന്ദ്രീകരിച്ച് സമുദ്ര സുരക്ഷ ഉറപ്പാക്കാൻ സൗദി അറേബ്യ 14 രാജ്യങ്ങളുടെ പിന്തുണയോടെ ബഹുരാഷ്ട്ര പ്രതിരോധ സഖ്യം രൂപീകരിക്കുന്നു.

​വിസ & ഇമിഗ്രേഷൻ നിയന്ത്രണങ്ങൾ: യു.എസിൽ വിദേശ വിദ്യാർത്ഥികളുടെ വിസ ഫീസ് വർദ്ധിപ്പിക്കാനും കുടിയേറ്റ നിയമങ്ങളിൽ കടുത്ത മാറ്റങ്ങൾ വരുത്താനും ട്രംപ് ഭരണകൂടം നീക്കങ്ങൾ ശക്തമാക്കി. ‘എൻഡ് എച്ച്-1ബി അബ്യൂസ് ആക്ട്’ ഉൾപ്പെടെയുള്ള ബില്ലുകൾ ചർച്ചയാകുന്നു.

യുക്രെയ്ൻ അതിർത്തിക്ക് സമീപമുള്ള ചരക്ക് കപ്പലുകൾക്ക് നേരെ റഷ്യ ആക്രമണം കടുപ്പിച്ചു. ആക്രമണത്തിൽ വിദേശ നാവികർ കൊല്ലപ്പെടുകയും കാണാതാവുകയും ചെയ്തതായി റിപ്പോർട്ടുകളുണ്ട്.

​സ്പെയിൻ – മൊറോക്കോ അഭയാർഥി പ്രതിസന്ധി: മൊറോക്കോയിൽ നിന്ന് സെവൂത്ത അതിർത്തി വഴി സ്പെയിനിലേക്ക് കടുത്ത അഭയാർഥി പ്രവാഹം തുടരുന്നു. അതിർത്തി കടക്കാനുള്ള ശ്രമത്തിനിടെ നിരവധി പേർ മരണപ്പെടുകയും സ്പെയിൻ സുരക്ഷ ശക്തമാക്കുകയും ചെയ്തു.

നേപ്പാളിലെ ചില ജില്ലകളിൽ വർഗീയ അസ്വസ്ഥതകളും കലാപവും റിപ്പോർട്ട് ചെയ്തു. സ്ഥിതിഗതികൾ ശാന്തമാക്കാൻ പ്രധാനമന്ത്രി ആഹ്വാനം ചെയ്തു.

​പാക് – അഫ്ഗാൻ അതിർത്തിയിൽ ഏറ്റുമുട്ടൽ: ഖൈബർ പക്തുൻഖ്വ പ്രവിശ്യയിലുണ്ടായ ഭീകരാക്രമണത്തിലും തുടർന്നുണ്ടായ ഏറ്റുമുട്ടലിലും സുരക്ഷാ ഉദ്യോഗസ്ഥരും ഭീകരരും കൊല്ലപ്പെട്ടു.

​ഗൾഫ് രാജ്യങ്ങളിൽ ഇന്ധനവില: യു.എ.ഇ ഓഗസ്റ്റ് മാസത്തെ പുതിയ ഇന്ധന നിരക്കുകൾ പ്രഖ്യാപിച്ചു.

​പൂനാവാലയുടെ രാജിക്കാര്യം: ബിജെപി ദേശീയ വക്താവ് ഷെഹ്‌സാദ് പൂനാവാല പാർട്ടി സ്ഥാനം രാജിവെക്കുകയും സജീവ രാഷ്ട്രീയത്തിൽ നിന്ന് മാറിനിൽക്കുന്നതായി സൂചന നൽകുകയും ചെയ്ത വാർത്തകൾ വലിയ ചർച്ചയായിട്ടുണ്ട്.

​ഒമർ അബ്ദുല്ലയുടെ വിവാഹമോചനം: ജമ്മു കാശ്മീർ മുഖ്യമന്ത്രി ഒമർ അബ്ദുല്ലയും പായൽ അബ്ദുല്ലയും 17 വർഷം നീണ്ട നിയമപോരാട്ടത്തിനൊടുവിൽ സുപ്രീം കോടതി മുഖേന പരസ്പര സമ്മതത്തോടെ വിവാഹമോചിതരായി.

​പിഎം കിസാൻ പദ്ധതി നീട്ടി: കർഷകർക്കുള്ള ‘പിഎം കിസാൻ’ സാമ്പത്തിക സഹായ പദ്ധതി (വർഷത്തിൽ 6,000 രൂപ) 2031 വരെ കേന്ദ്ര മന്ത്രിസഭ നീട്ടി നൽകാൻ തീരുമാനിച്ചു.

​ഡൽഹി കലാപക്കേസിൽ ജീവപര്യന്തം: ഡൽഹി കലാപത്തിനിടെ ഐബി ഉദ്യോഗസ്ഥൻ അങ്കിത് ശർമ കൊല്ലപ്പെട്ട കേസിൽ മുൻ എഎപി കൗൺസിലർ താഹിർ ഹുസൈൻ അടക്കം 5 പേർക്ക് കോടതി ജീവപര്യന്തം തടവുശിക്ഷ വിധിച്ചു.

​കുൽഗാമിൽ ഭീകരാക്രമണം: ജമ്മു കശ്മീരിലെ കുൽഗാമിൽ ഇതരസംസ്ഥാന തൊഴിലാളികൾക്ക് നേരെ ഭീകരർ നടത്തിയ വെടിവെപ്പിൽ ഒരാൾ കൊല്ലപ്പെടുകയും രണ്ടുപേർക്ക് പരുക്കേൽക്കുകയും ചെയ്തു. പ്രദേശത്ത് സുരക്ഷാസേന തെരച്ചിൽ തുടരുകയാണ്.

​പാക് ഡ്രോൺ വെടിവെച്ചിട്ടു: ജമ്മു അതിർത്തിയിൽ പാകിസ്താന്റെ ചൈനീസ് നിർമ്മിത നിരീക്ഷണ ഡ്രോൺ ഇന്ത്യൻ സൈന്യം വെടിവെച്ചിട്ടു. മെമ്മറി കാർഡ് അടക്കം പിടിച്ചെടുത്തിട്ടുണ്ട്.

​കാവേരി തർക്കം രൂക്ഷമാകുന്നു: കാവേരി നദീജല തർക്കം വീണ്ടും ശക്തമായതിനെ തുടർന്ന് കർണാടകയിൽ പ്രതിഷേധങ്ങൾ ആരംഭിക്കുകയും, കർണാടക ഉപമുഖ്യമന്ത്രി ഡി.കെ. ശിവകുമാറും തമിഴ്‌നാട് മുഖ്യമന്ത്രി ജോസഫ് വിജയുമായുള്ള ബെംഗളൂരുവിലെ കൂടിക്കാഴ്ച നീട്ടിവെക്കുകയും ചെയ്തു.

​മഴക്കുറവും ഉത്തരേന്ത്യൻ പ്രതിസന്ധിയും: ഉത്തർപ്രദേശ് ഉൾപ്പെടെയുള്ള ഉത്തരേന്ത്യൻ സംസ്ഥാനങ്ങളിൽ കഴിഞ്ഞ വർഷത്തെ അപേക്ഷിച്ച് മഴ ലഭ്യതയിൽ വൻ കുറവ് (27 ശതമാനം വരെ) രേഖപ്പെടുത്തിയത് കർഷകർക്ക് പ്രതിസന്ധിയുണ്ടാക്കുന്നു.

​കാലാവസ്ഥാ മുന്നറിയിപ്പ്: സംസ്ഥാനത്ത് പരക്കെ ശക്തമായ മഴയ്ക്ക് സാധ്യത. വടക്കൻ-മധ്യ കേരളത്തിലെ 9 ജില്ലകളിൽ (ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്) ഓറഞ്ച് അലർട്ട് പ്രഖ്യാപിച്ചിട്ടുണ്ട്.

​മുത്തങ്ങ സംഭവം (23 വർഷത്തിനു ശേഷമുള്ള വിധി): മുത്തങ്ങ സമരത്തിനിടെ പോലീസ് കോൺസ്റ്റബിൾ വിനോദ് കൊല്ലപ്പെട്ട കേസിൽ പ്രതികളായ എല്ലാവരെയും കോടതി വെറുതെവിട്ടു.

എന്നാൽ പോലീസ് ഉദ്യോഗസ്ഥനെ ആക്രമിച്ച കേസിൽ എം. ഗീതാനന്ദൻ ഉൾപ്പെടെയുള്ള പ്രതികൾക്ക് കോടതി ശിക്ഷ വിധിച്ചു.

​ശബരിമല നെയ്യ് വിവാദം: കഴിഞ്ഞ സീസണിൽ തിരുവിതാംകൂർ ദേവസ്വം ബോർഡിലേക്ക് നൽകിയ നെയ്യിൽ ഗുണനിലവാരക്കുറവും മായം ചേർക്കലും കണ്ടെത്തിയ സംഭവത്തിൽ അന്വേഷണം ക്രൈംബ്രാഞ്ചിന് വിടാൻ തിരുമാനമായി.

​ട്രോളിങ് നിരോധനം അവസാനിച്ചു: സംസ്ഥാനത്ത് 52 ദിവസം നീണ്ടുനിന്ന ട്രോളിങ് നിരോധനം പൂർത്തിയായി. മത്സ്യബന്ധന ബോട്ടുകൾ കടലിലേക്ക് ഇറങ്ങിത്തുടങ്ങി.

​ഓണം ഉത്സവബത്ത വർധിപ്പിച്ചു: ലോട്ടറി തൊഴിലാളികളുടെയും ആധാരം എഴുത്ത് ക്ഷേമനിധി അംഗങ്ങളുടെയും ഓണം ഉത്സവബത്തയിൽ വർധനവ് വരുത്തി.

​പൊലീസ് തലപ്പത്ത് മാറ്റങ്ങൾ: മുതിർന്ന ഐപിഎസ് ഉദ്യോഗസ്ഥരായ എസ്. ശ്രീജിത്ത്, സുരേഷ് രാജ് പുരോഹിത് എന്നിവർക്ക് ഡിജിപിയായി സ്ഥാനക്കയറ്റം ലഭിച്ചു. യോഗേഷ് ഗുപ്തയെ ബെവ്കോ എംഡിയായി നിയമിച്ചു.

അറബിക്കടലിൽ രൂപപ്പെട്ട വ്യതിയാനങ്ങളുടെയും കാറ്റിന്റെയും ഫലമായി കാസർകോട് ജില്ലയിൽ മഴയും വടക്കൻ മലബാർ തീരങ്ങളിൽ ഉയർന്ന തിരമാലകൾക്കും സാധ്യതയുണ്ട്.

​തീരദേശ ജാഗ്രത: കാസർകോട് തീരങ്ങളിൽ ശക്തമായ കാറ്റിനും കടലാക്രമണത്തിനും സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കാനും കടലിൽ പോകരുതെന്നും മുന്നറിയിപ്പുണ്ട്.

കാസർകോട്, കാഞ്ഞങ്ങാട്കെ.എസ് ആർ.ടി.സി. ഡിപ്പോകളിൽ നിന്നു 34 താൽക്കാലിക ജീവനക്കാരെ (കാസർകോട് 22, കാഞ്ഞങ്ങാട് 12) പിരിച്ചുവിട്ടു. ജീവനക്കാരുടെ കുറവ് പ്രതിദിന സർവീസുകളെ ബാധിക്കുമെന്ന് യാത്രക്കാർ ആശങ്കപ്പെടുന്നു.

​ആധാർ ഇ – കെ. വൈ.സി. മുന്നറിയിപ്പ്: ഗാർഹിക എൽപിജി ഉപഭോക്താക്കൾ ഓഗസ്റ്റ് 16-നകം ഇ-കെ വൈ സി വെരിഫിക്കേഷൻ പൂർത്തിയാക്കിയില്ലെങ്കിൽ സബ്സിഡി തടസ്സപ്പെടുമെന്ന് കമ്പനികളുടെ അറിയിപ്പ്.

​പോത്താംകണ്ടം സോളാർ പാർക്ക്: പോത്താംകണ്ടം 100 മെഗാവാട്ട് സോളാർ പാർക്കിനോടനുബന്ധിച്ചുള്ള 220 കെവി ലൈൻ നിർമാണത്തിനായുള്ള സർവേ നടപടികൾ പുരോഗമിക്കുന്നു.

​ലഹരിമരുന്ന് കേസിൽ ശിക്ഷ: എംഡിഎംഎ ലഹരിമരുന്ന് കൈവശം വച്ച കേസിൽ പ്രതിക്ക് കാസർകോട് ജില്ലാ പ്രിൻസിപ്പൽ സെഷൻസ് കോടതി 3 വർഷം കഠിനതടവും പിഴയും വിധിച്ചു.