മംഗളൂരു: ദക്ഷിണ കന്നഡ – മംഗളൂരു സംയുക്ത ഖാസിയായി പാണക്കാട് നാസർ ഹയ്യ് ശിഹാബുദ്ദീൻ തങ്ങൾ ഇന്ന് ചുമതല ഏൽക്കും. ഉച്ചയ്ക്ക് ഒന്നരയോടെ മംഗളൂരുവിലെ സീനത്ത് ബക്ഷ് യത്തീംഖാന ഹാളിൽ സ്ഥാനമേൽക്കൽ ചടങ്ങ് ആരംഭിക്കും. ത്വാഖ അഹമ്മദ് മുസിലിയാർ അൽ അസ്ഹരിയുടെ നിര്യാണത്തെ തുടർന്നാണ് പുതിയ ഖാസിയെ തെരഞ്ഞെടുത്തത്. നിലവിൽ 370ലധികം മഹല്ലുകളുടെ ഖാസിയാണ് നാസർ ഹയ്യ് ശിഹാബുദ്ദീൻ തങ്ങൾ. സുന്നി മഹല്ല് ഫെഡറേഷൻ മലപ്പുറം ജില്ലാ പ്രസിഡണ്ട് ആണ്.