കൊച്ചി: എറണാകുളത്ത് പൊലീസുകാരനെ പട്ടാപ്പകൽ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. മുനമ്പം സ്റ്റേഷനിലെ സിവിൽ പൊലീസ് ഓഫീസർ വിനു വർഗീസിനെയാണ് ( 43 )മരിച്ച നിലയിൽ കാണപ്പെട്ടത്. പെരുമ്പടന്നയിലെ വീട്ടിനുള്ളിലാണ് മൃതദേഹം കാണപ്പെട്ടത്. ഡ്യൂട്ടിയ്ക്കിടെ ഉച്ചയ്ക്ക് 12 മണിയോടെയാണ് ഇയാൾ വീട്ടിലേക്ക് പോയതെന്നു പറയുന്നു. 2 മണിയോടെയാണ് വീടിനുള്ളിൽ തൂങ്ങി മരിച്ച നിലയിൽ കാണപ്പെട്ടത്. മരണ കാരണം അറിവായിട്ടില്ല. മരണത്തെക്കുറിച്ച് ദുരൂഹത ഉയർന്നിട്ടുണ്ട്. പൊലീസ് അന്വേഷിക്കുന്നു.