കാസർകോട്: നീലേശ്വരം, പള്ളിക്കര അങ്കൺവാടി പ്രവേശനോൽസവം ഉത്സവാന്തരീക്ഷത്തിൽ നടന്നു. നിലേശ്വരം നഗരസഭ വാർഡ് കൗൺസിലർ കെ.വി ലീല ഉദ്ഘാടനം ചെയ്തു. അങ്കണവാടി വർക്കർ വി ചന്ദ്രമതി, ശ്രീജ കനത്താട് പ്രസീത ശ്രീധരൻ , രാധ മാട്ടുമ്മൽ സംസാരിച്ചു.
പ്രവേശനോൽസവത്തിന്റെ ഭാഗമായി കുട്ടികൾക്ക് പള്ളിക്കര പീപ്പിൾസ് റീഡിങ്ങ് റും ലൈബ്രറിയും പീപ്പിൾസ് പുരുഷ സംഘവും ചേർന്ന് കുടയും, കനത്താട് കുടുംബശ്രീ ക്രയോൺസും മനോജ് പള്ളിക്കര നോട്ടുബുക്കും പെൻസിലും നൽകി. തുടർന്ന് രക്ഷിതാക്കളുടെ വകയായി ലഡുവും പായസവും നൽകി. വിവിധ കലാപരിപാടികളും ഉണ്ടായിരുന്നു.
