​യു.എസ് – ഇറാൻ സംഘർഷം:
​അമേരിക്കയും ഇറാനും തമ്മിലുള്ള യുദ്ധസാഹചര്യത്തിൽ നിർണായക വഴിത്തിരിവ്. ഇന്ന് നടത്താനിരുന്ന സൈനിക ആക്രമണം താൽക്കാലികമായി മാറ്റിവെച്ചതായി യു.എസ് പ്രസിഡന്റ് ഡൊണാൾഡ് ട്രംപ് അറിയിച്ചു. ഗൾഫ് രാജ്യങ്ങളുടെ ഇടപെടലിനെത്തുടർന്നാണ് തീരുമാനം. എങ്കിലും ആണവ കരാറുമായി ബന്ധപ്പെട്ട് അനുകൂലമായ ഒരു ഒത്തുതീർപ്പിലെത്തിയില്ലെങ്കിൽ ഏതു നിമിഷവും ശക്തമായ ആക്രമണം നടത്താൻ സൈന്യത്തിന് നിർദേശം നൽകിയിട്ടുണ്ടെന്നും ട്രംപ് വ്യക്തമാക്കി.

ഹോർമുസ് കടലിടുക്കിലെ ഗതാഗതം നിയന്ത്രിക്കാൻ പ്രത്യേക സംവിധാനം കൊണ്ടുവരുമെന്ന് ഇറാൻ അറിയിച്ചു.

​യു.എ.ഇ ആണവനിലയത്തിന് നേരെ ഡ്രോൺ ആക്രമണം:
​യുണൈറ്റഡ് അറബ് എമിറേറ്റ്സിലെ ബറാക്ക ആണവോർജ നിലയത്തിന് സമീപം ഡ്രോൺ ആക്രമണത്തെത്തുടർന്ന് തീപിടുത്തമുണ്ടായി. എന്നാൽ ആണവനിലയത്തിന്റെ പ്രവർത്തനങ്ങളെ ഇത് ബാധിച്ചിട്ടില്ലെന്നും റേഡിയേഷൻ തോത് സാധാരണ നിലയിലാണെന്നും അധികൃതർ അറിയിച്ചു. സംഭവത്തിൽ ഇന്ത്യ ഉൾപ്പെടെയുള്ള രാജ്യങ്ങൾ കടുത്ത ആശങ്ക രേഖപ്പെടുത്തി.

​മിഡിൽ ഈസ്റ്റിൽ സംഘർഷം തുടരുന്നു:
​താല്ക്കാലിക വെടിനിർത്തൽ നിലനിൽക്കുന്നുണ്ടെങ്കിലും, തെക്കൻ-കിഴക്കൻ ലെബനനിലെ വിവിധ മേഖലകളിൽ ഇസ്രായേൽ ശക്തമായ വ്യോമാക്രമണം നടത്തി. ആക്രമണത്തിൽ അഞ്ച് പേർ കൊല്ലപ്പെട്ടു. ഗാസയിൽ ഇസ്രായേൽ നടത്തിയ ആക്രമണത്തിൽ മൂന്ന് കമ്മ്യൂണിറ്റി കിച്ചൺ ജീവനക്കാർ ഉൾപ്പെടെ എട്ട് പേർ കൊല്ലപ്പെട്ടതായും റിപ്പോർട്ടുകളുണ്ട്.

​എബോള: ലോക ആരോഗ്യ സംഘടന ആഗോള ആരോഗ്യ അടിയന്തരാവസ്ഥ പ്രഖ്യാപിച്ചു.
​ഡെമോക്രാറ്റിക് റിപ്പബ്ലിക് ഓഫ് കോംഗോ , ഉഗാണ്ട എന്നീ രാജ്യങ്ങളിൽ എബോള വൈറസ് ബാധ വീണ്ടും ശക്തമായ പശ്ചാത്തലത്തിൽ ലോകാരോഗ്യ സംഘടന ആഗോള ആരോഗ്യ അടിയന്തരാവസ്ഥ പ്രഖ്യാപിച്ചു. കടുത്ത മാനുഷിക പ്രതിസന്ധി നേരിടുന്ന ഈ മേഖലകളിൽ രോഗവ്യാപനം തടയാൻ അടിയന്തര അന്താരാഷ്ട്ര സഹായം വേണമെന്ന് സംഘടന ആവശ്യപ്പെട്ടു.

​അന്താരാഷ്ട്ര വിദ്യാർത്ഥികൾക്ക് നിയന്ത്രണവുമായി ഓസ്ട്രേലിയ:
​വിദേശ വിദ്യാർത്ഥികൾക്ക് കോഴ്സുകൾ വാഗ്ദാനം ചെയ്യുന്ന സ്വകാര്യ കോളേജുകളുടെയും പരിശീലന സ്ഥാപനങ്ങളുടെയും പുതിയ രജിസ്ട്രേഷൻ അപേക്ഷകൾ സ്വീകരിക്കുന്നത് ഓസ്ട്രേലിയ താൽക്കാലികമായി നിർത്തിവെച്ചു. രാജ്യത്തെ കുടിയേറ്റ നിരക്കും ഭവന പ്രതിസന്ധിയും നിയന്ത്രിക്കുന്നതിന്റെ ഭാഗമായാണ് മെയ് 19 മുതൽ ഒരു വർഷത്തേക്ക് ഈ പുതിയ നിയന്ത്രണം ഏർപ്പെടുത്തിയിരിക്കുന്നത്.

​ചൈനയുമായുള്ള ചർച്ച: ട്രംപ്-ഷി ജിൻപിങ് ചർച്ചകൾക്ക് പിന്നാലെ അമേരിക്കയിൽ നിന്ന് കോടിക്കണക്കിന് ഡോളറിന്റെ കാർഷിക ഉൽപ്പന്നങ്ങൾ വാങ്ങാൻ ചൈന സമ്മതിച്ചതായി യു.എസ് വ്യക്തമാക്കി.

​മെക്സിക്കോയിൽ വെടിവെപ്പ്: മെക്സിക്കോയിലെ തെഹുയിറ്റ്സിംഗോയിൽ ഉണ്ടായ വെടിവെപ്പിൽ 10 പേർ കൊല്ലപ്പെട്ടു. ആയുധധാരികളായ സംഘമാണ് ആക്രമണം നടത്തിയത്.

​ആൽപ്സ് പർവതനിരകളിൽ ഭൂചലനം: തെക്കുപടിഞ്ഞാറൻ ചൈനയിലുണ്ടായ ശക്തമായ ഭൂചലനത്തെത്തുടർന്ന് കെട്ടിടങ്ങൾ തകരുകയും ആയിരക്കണക്കിന് ആളുകളെ സുരക്ഷിത സ്ഥാനങ്ങളിലേക്ക് മാറ്റുകയും ചെയ്തു.

തമിഴ്‌നാട്ടിൽ വിജയ്‌യുടെ രാഷ്ട്രീയ പ്രവേശനത്തിനും തിരഞ്ഞെടുപ്പ് വിജയങ്ങൾക്കും പിന്നാലെ ബിജെപിയിൽ വലിയ അഴിച്ചുപണിക്ക് സാധ്യത. അണ്ണാമലൈയെ വീണ്ടും നേതൃത്വത്തിലേക്ക് സജീവമാക്കാൻ നീക്കങ്ങൾ നടക്കുന്നതായി റിപ്പോർട്ട് .

​പശ്ചിമ ബംഗാളിൽ വൻ പ്രഖ്യാപനങ്ങൾ: ബംഗാളിലെ പുതിയ ബിജെപി സർക്കാർ ജൂൺ 1 മുതൽ സ്ത്രീകൾക്ക് സൗജന്യ ബസ് യാത്രയും പ്രതിമാസം 3,000 രൂപ ധനസഹായവും പ്രഖ്യാപിച്ചു. അതോടൊപ്പം, ഇമാമുമാർക്കും പൂജാരിമാർക്കുമുള്ള മതാടിസ്ഥാനത്തിലുള്ള ക്ഷേമപദ്ധതികൾ റദ്ദാക്കുകയും ചെയ്തു.

​തമിഴ്‌നാട്: തമിഴ്‌നാട്ടിലെ പ്രശസ്തമായ ‘അമ്മ കാന്റീനുകൾ’ വിപുലമായി നവീകരിക്കാൻ മുഖ്യമന്ത്രി ഉത്തരവിട്ടു.

​ഇരുചക്രവാഹനങ്ങൾക്ക് പുതിയ നിയന്ത്രണം: ഹാൻഡിലിൽ നിന്ന് കൈവിട്ട് ബൈക്ക് ഓടിക്കുന്ന അഭ്യാസപ്രകടനങ്ങൾ തടയാൻ കർശന സാങ്കേതിക നിയന്ത്രണങ്ങൾ കൊണ്ടുവരാൻ കേന്ദ്ര സർക്കാർ ഒരുങ്ങുന്നു. രണ്ട് കൈകളും ഹാൻഡിലിൽ ഇല്ലെങ്കിൽ വാഹനം മുന്നോട്ട് നീങ്ങാത്ത വിധത്തിലുള്ള സംവിധാനങ്ങളാണ് ആലോചനയിൽ.

​വിമാനത്താവളത്തിൽ മിന്നൽ പണിമുടക്ക്: മുംബൈ വിമാനത്താവളത്തിൽ ജീവനക്കാർ നടത്തിയ മിന്നൽ പണിമുടക്ക് കാരണം വിമാനം ലാൻഡ് ചെയ്തിട്ടും യാത്രക്കാർക്ക് പുറത്തിറങ്ങാനാവാതെ മണിക്കൂറുകളോളം കുടുങ്ങി.

നീറ്റ് പരീക്ഷാ പേപ്പർ ചോർച്ചയുമായി ബന്ധപ്പെട്ട് സിബിഐ അന്വേഷണം ഊർജ്ജിതമാക്കി. മഹാരാഷ്ട്രയിൽ പ്രമുഖനായ ‘എം സർ’ (മൊട്ടേഗാവ്കർ) എന്നയാളുടെ വീട്ടിൽ 8 മണിക്കൂറോളം പരിശോധന നടത്തുകയും ഇയാളെ അറസ്റ്റ് ചെയ്യുകയും ചെയ്തു.

​ഗൗതം അദാനിക്ക് ആശ്വാസം: ഇന്ത്യൻ വ്യവസായി ഗൗതം അദാനി, സാഗർ അദാനി എന്നിവർക്കെതിരെ യു.എസിലുണ്ടായിരുന്ന ക്രിമിനൽ കേസുകൾ ന്യൂയോർക്ക് കോടതി റദ്ദാക്കി.

അമേരിക്കൻ വിപണിയിൽ ഇന്ത്യൻ മാമ്പഴങ്ങൾക്ക് വൻ ഡിമാൻഡ്. ഒരു ബോക്സിന് 60 ഡോളർ (ഏകദേശം 5,000 രൂപ) വരെ വിലയുണ്ടായിട്ടും മിനിറ്റുകൾക്കകം വിറ്റുതീരുന്നതായി റിപ്പോർട്ടുകൾ.

​ചെന്നൈയിൽ ‘കുതിരപ്പനി’: ചെന്നൈ നഗരത്തിൽ വിനോദസഞ്ചാരത്തിന് ഉപയോഗിക്കുന്ന കുതിരകളിൽ മാരകമായ ‘ഗ്ലാൻഡേഴ്സ്’ (കുതിരപ്പനി) രോഗം സ്ഥിരീകരിച്ചതിനെ തുടർന്ന് ആരോഗ്യവകുപ്പ് ജാഗ്രതാ നിർദ്ദേശം നൽകി.

വി.ഡി. സതീശൻ കേരള മുഖ്യമന്ത്രിയായി. 20 മന്ത്രിമാരും സത്യപ്രതിജ്ഞ ചെയ്ത് അധികാരമേറ്റു. സത്യപ്രതിജ്ഞയ്ക്ക് പിന്നാലെ പ്രധാനമന്ത്രി നരേന്ദ്ര മോദി, സിനിമാ താരങ്ങളായ മമ്മൂട്ടി, മോഹൻലാൽ തുടങ്ങിയവർ ആശംസകൾ അറിയിച്ചു.

മന്ത്രിസഭയിൽ എറണാകുളം ജില്ലയ്ക്ക് ശക്തമായ പ്രാതിനിധ്യമാണുള്ളത്. കൂടാതെ മലബാർ മേഖലയിൽ നിന്ന് എട്ട് മന്ത്രിമാരും കൊല്ലം ജില്ലയിൽ നിന്ന് മൂന്ന് മന്ത്രിമാരും മന്ത്രിസഭയിൽ ഇടംനേടി.

​പ്രതിപക്ഷ നേതൃപദവി: ഭരണമാറ്റത്തിന്റെ പശ്ചാത്തലത്തിൽ പ്രതിപക്ഷ നേതൃസ്ഥാനത്തുനിന്ന് പിണറായി വിജയൻ മാറണമെന്ന് അവെയ്‌ലബിൾ പിബിയിൽ ആവശ്യമുയർന്നതായി റിപ്പോർട്ടുകൾ.

​ആറളം ഫാമിൽ ആനപ്പാച്ചിൽ: കണ്ണൂർ ആറളം ഫാമിൽ വനപാലകർക്ക് നേരെ കാട്ടാന പാഞ്ഞടുത്തു. വനംവകുപ്പ് സംഘം തലനാരിഴയ്ക്കാണ് രക്ഷപ്പെട്ടത്.

​
​ബദിയഡുക്ക കൊലപാതകം; പ്രതികൾ അറസ്റ്റിൽ: ബദിയടുക്ക മാർപ്പിനടുക്കയിൽ ക്രിക്കറ്റ് ടൂർണമെന്റിനിടെയുണ്ടായ വാക്കുതർക്കത്തെ തുടർന്ന് സഹകരണ ബാങ്കിലെ സെക്യൂരിറ്റി ജീവനക്കാരനായ യുവാവിനെ കുത്തിക്കൊന്ന കേസിൽ രണ്ട് പ്രതികളെ 24 മണിക്കൂറിനുള്ളിൽ പോലീസ് അറസ്റ്റ് ചെയ്തു.

ചെറുവത്തൂർ മട്ടലായിയിൽ ദേശീയപാതയിലുണ്ടായ വിള്ളലുമായി ബന്ധപ്പെട്ട് കളക്ടർ നിയോഗിച്ച അന്വേഷണസംഘം റിപ്പോർട്ട് സമർപ്പിച്ചു. വരാനിരിക്കുന്ന കാലവർഷത്തിൽ ദുരന്തങ്ങൾ ഒഴിവാക്കാനും, നിർമാണ പ്രവർത്തനങ്ങൾ കർശനമായി നിരീക്ഷിക്കാനും കളക്ടർ അർജുൻ പാണ്ഡ്യൻ ദേശീയപാത അതോറിറ്റിക്ക് നിർദേശം നൽകി.

​കാസർകോട് ജില്ലയിൽ കനത്ത മഴയ്ക്കുള്ള സാധ്യത പ്രവചിക്കപ്പെട്ടിട്ടുള്ളതിനാൽ ജാഗ്രത പാലിക്കാൻ നിർദേശമുണ്ട്.

​ഉപ്പള ഫ്ലൈഓവർ പാർക്കിങ് ആവശ്യം: ദേശീയപാത വികസനത്തിന്റെ ഭാഗമായി ഉപ്പളയിൽ നിർമ്മിച്ച ഫ്ലൈഓവറിന് താഴെയുള്ള വിശാലമായ സ്ഥലം ഇന്റർലോക്ക് ചെയ്ത് പാർക്കിങ് സൗകര്യമൊരുക്കണമെന്ന ആവശ്യവുമായി വ്യാപാരികളും നാട്ടുകാരും രംഗത്തെത്തി.

​ദേശീയപാത നിർമാണം: മട്ടലായിൽ വിള്ളൽ; അന്വേഷണം
​ചെറുവത്തൂർ മട്ടലായിൽ പിലിക്കോട് ശിവക്ഷേത്രത്തിന് എതിർവശത്തായി നിർമാണത്തിലിരിക്കുന്ന ദേശീയപാതയിൽ വലിയ വിള്ളൽ രൂപപ്പെട്ടത് ജനങ്ങളിൽ ആശങ്കയുണ്ടാക്കിയിട്ടുണ്ട്. അടിയിൽ നിന്നും മണ്ണൊലിച്ചു പോയതാണ് ഇതിന് കാരണമെന്നാണ് പ്രാഥമിക നിഗമനം. സംഭവത്തിൽ ജില്ലാ കളക്ടർ അടിയന്തര അന്വേഷണത്തിന് ഉത്തരവിട്ടിട്ടുണ്ട്. ജിയോളജിസ്റ്റും പ്രോജക്ട് ഡയറക്ടറും അടങ്ങുന്ന സമിതി സാങ്കേതിക വശങ്ങൾ പരിശോധിക്കും. വിള്ളൽ കണ്ട ഭാഗത്ത് മണ്ണ് നീക്കി വീണ്ടും പണി ആരംഭിച്ചിട്ടുണ്ട്.

​വേനൽമഴയിലും ഇടിമിന്നലിലും വ്യാപക നാശനഷ്ടം
​കഴിഞ്ഞ ദിവസങ്ങളിൽ ഈ മേഖലകളിൽ ഉണ്ടായ ശക്തമായ വേനൽമഴയിലും ഇടിമിന്നലിലും വലിയ നാശനഷ്ടങ്ങളാണ് റിപ്പോർട്ട് ചെയ്തിരിക്കുന്നത്.
​ചെറുവത്തൂർ മീൻകടവ്, കുഞ്ഞിപ്പാറ നെല്ലിപ്പൊയിൽ എന്നിവിടങ്ങളിൽ വീടുകൾക്ക് മിന്നലേറ്റ് ഗൃഹോപകരണങ്ങളും വയറിങ്ങും നശിച്ചു.
​കണ്ണങ്കൈ, പതിക്കാൽ തുടങ്ങിയ സ്ഥലങ്ങളിൽ വീടുകൾക്ക് മുകളിൽ തെങ്ങ് വീണ് കേടുപാടുകൾ സംഭവിച്ചിട്ടുണ്ട്. മടിക്കൈ എരിക്കുളത്തും മിന്നലേറ്റ് വീടിന്റെ ഭിത്തി തകരുകയും കൃഷിനാശം സംഭവിക്കുകയും ചെയ്തു.

​നീലേശ്വരം ജനാധിപത്യ സമരം ശക്തമാകുന്നു
​ദേശീയപാത 66 വികസനത്തിന്റെ ഭാഗമായി നീലേശ്വരം മാർക്കറ്റ് ജംഗ്ഷനിൽ മൺതിട്ട ഉയർത്തി പാത നിർമിക്കുന്നതിനെതിരെ ‘ദേശീയപാത ജനകീയ സമര സമിതി’യുടെ നേതൃത്വത്തിൽ പ്രതിഷേധം ശക്തമാണ്. മൺതിട്ടയ്ക്ക് പകരം തൂണുകളിൽ നിർമിച്ച ഫ്ലൈഓവർ വേണമെന്നാണ് നാട്ടുകാരുടെ ആവശ്യം. മൺതിട്ട വരുന്നത് നീലേശ്വരം നഗരത്തെ രണ്ടായി വിഭജിക്കുമെന്നും പടന്നക്കാട്, ചെറുവത്തൂർ ഭാഗങ്ങളിൽ നിന്നുള്ള ജനങ്ങളുടെ ടൗണിലേക്കുള്ള പ്രവേശനത്തെയും വ്യാപാര മേഖലയെയും ഇത് ദോഷകരമായി ബാധിക്കുമെന്നും സമരസമിതി ചൂണ്ടിക്കാണിക്കുന്നു.

നിയമസഭാ തിരഞ്ഞെടുപ്പ് ഫലത്തിന് പിന്നാലെ നടന്ന സി.പി.എം കാസർകോട് ജില്ലാ സെക്രട്ടേറിയറ്റ് യോഗത്തിൽ സംസ്ഥാന നേതൃത്വത്തിനെതിരെ കടുത്ത വിമർശനമുയർന്നതായി റിപ്പോർട്ടുകൾ. മഞ്ചേശ്വരത്തെ സി.പി.എം സ്ഥാനാർത്ഥിയായിരുന്ന കെ.ആർ ജയനന്ദയെ പാർട്ടി വൃത്തങ്ങൾ ‘രക്തസാക്ഷി’യായി വിശേഷിപ്പിച്ചതായും വാർത്തകൾ വരുന്നുണ്ട്.