കൊച്ചി: കനാലില് പുരുഷന്റെ അജ്ഞാത മൃതദേഹം ഒഴുകിയെത്തി. ചമ്പക്കര കനാലില് ഇന്നു രാവിലെയാണ് മൃതദേഹം നാട്ടുകാരുടെ ശ്രദ്ധയില്പ്പെട്ടത്. ആളെ തിരിച്ചറിഞ്ഞിട്ടില്ല. മൃതദേഹത്തിന് മൂന്നോ നാലോ ദിവസത്തെ പഴക്കം ഉണ്ടെന്ന് പൊലീസ് പറഞ്ഞു. 30 വയസ്സിനും 40 വയസ്സിനും ഇടയില് പ്രായമുള്ള പുരുഷന്റെ മൃതദേഹമാണ് കണ്ടെത്തിയത്. കറുത്ത ട്രാക്ക് സ്യൂട്ടും കറുത്ത ടീഷര്ട്ടുമാണ് വേഷം.
മൃതദേഹം കണ്ട നാട്ടുകാരാണ് പൊലീസില് വിവരം അറിയിച്ചത്. തുടര്ന്ന് സ്ഥലത്തെത്തിയ പൊലീസ് മൃതദേഹം കരയ്ക്കടുപ്പിച്ചു. മരിച്ച ആളെ തിരിച്ചറിയാന് കൊച്ചി നഗരത്തിലെയും സമീപപ്രദേശങ്ങളിലെയും മിസ്സിങ് കേസുകള് പരിശോധിക്കുമെന്നും പോസ്റ്റ്മോര്ട്ടത്തിന് ശേഷമേ മരണകാരണം വ്യക്തമാകൂവെന്നും പൊലീസ് അറിയിച്ചു.
