​അമേരിക്കയും ഇറാനും തമ്മിലുള്ള സംഘർഷം അതിനിർണ്ണായകമായ ഘട്ടത്തിലൂടെയാണ് കടന്നുപോകുന്നത്. പാകിസ്ഥാന്റെ മധ്യസ്ഥതയിൽ നിൽക്കുന്ന ചർച്ചകളിൽ പുതിയ നീക്കങ്ങൾ നടക്കുന്നുണ്ടെങ്കിലും ആശങ്കകൾ ബാക്കി നിൽക്കുന്നു.

​വെടിനിർത്തൽ നിർദ്ദേശം തള്ളി ട്രംപ്: അമേരിക്ക മുന്നോട്ടുവെച്ച സമാധാന നിർദ്ദേശത്തിന് പാകിസ്ഥാൻ വഴി ഇറാൻ മറുപടി നൽകിയിരുന്നു. എന്നാൽ ഇറാന്റെ ഈ നിലപാട് “പൂർണ്ണമായും അംഗീകരിക്കാനാവില്ല” എന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് വ്യക്തമാക്കി.

​ഇറാന്റെ നിലപാട്: ഹോർമുസ് കടലിടുക്കിലെ സുരക്ഷ ഉറപ്പാക്കണമെന്നും മിഡിൽ ഈസ്റ്റിൽ ഉടനീളം ശാശ്വതമായ സമാധാനം വേണമെന്നുമാണ് ഇറാന്റെ ആവശ്യം. എന്നാൽ ഇറാന്റെ ആണവ പദ്ധതിയടക്കം നിയന്ത്രിക്കണമെന്ന നിലപാടിലാണ് അമേരിക്ക.

​ഡ്രോൺ ആക്രമണങ്ങൾ: സമാധാന ചർച്ചകൾക്കിടയിലും ഗൾഫ് മേഖലയിൽ ഡ്രോൺ ആക്രമണങ്ങൾ റിപ്പോർട്ട് ചെയ്തിട്ടുണ്ട്. ഖത്തർ തീരത്തുള്ള കപ്പലുകൾക്ക് നേരെയും യു.എ.ഇ, കുവൈറ്റ് വ്യോമാതിർത്തികളിലും ഡ്രോണുകൾ എത്തിയതായി വാർത്തകളുണ്ട്.

ഡ്രോൺ അക്രമണത്തിന് പിന്നിൽ ഇറാനാണെന്ന് യു.എ.ഇ ആരോപിച്ചു.

​ഭീഷണി തുടരുന്നു: തങ്ങളുടെ എണ്ണക്കപ്പലുകൾക്ക് നേരെ ആക്രമണമുണ്ടായാൽ മേഖലയിലെ അമേരിക്കൻ കേന്ദ്രങ്ങൾ ലക്ഷ്യം വെക്കുമെന്ന് ഇറാന്റെ റെവല്യൂഷണറി ഗാർഡ്സ് മുന്നറിയിപ്പ് നൽകി .

​ഹോർമുസ് കടലിടുക്കിലെ പ്രതിസന്ധി: ഇറാൻ ഹോർമുസ് കടലിടുക്ക് ഭാഗികമായി തടഞ്ഞത് ആഗോള എണ്ണവിലയിൽ വൻ വർദ്ധനവിന് കാരണമായിട്ടുണ്ട്.

20,000-ത്തോളം കപ്പൽ ജീവനക്കാർ ഈ മേഖലയിൽ കുടുങ്ങിക്കിടക്കുന്നതായാണ് റിപ്പോർട്ട്.

​റഷ്യ – ഉക്രെയ്ൻ യുദ്ധം അവസാനത്തിലേക്ക് അടുക്കുകയാണെന്ന സൂചനകൾ റഷ്യൻ പ്രസിഡന്റ് വ്ലാഡിമിർ പുടിൻ നൽകി. എന്നാൽ പുടിൻ തന്റെ സുരക്ഷ കണക്കിലെടുത്ത് ബങ്കറിലാണെന്ന സ്ഥിരീകരിക്കാത്ത റിപ്പോർട്ടുകളും വരുന്നുണ്ട്.

​ഹാന്റ വൈറസ് ഭീതി: ഹാന്റ വൈറസ് ബാധയെക്കുറിച്ചുള്ള പുതിയ റിപ്പോർട്ടുകൾ ആശങ്കയുണ്ടാക്കുന്നു. ഇത് തടയാനുള്ള നടപടികൾ ലോകാരോഗ്യ സംഘടനയുടെ നിരീക്ഷണത്തിലാണ്.

​ തുർക്കി തങ്ങളുടെ ആദ്യത്തെ ഭൂഖണ്ഡാന്തര ബാലിസ്റ്റിക് മിസൈൽ പുറത്തിറക്കി. ഇത് മേഖലയിലെ സൈനിക സന്തുലിതാവസ്ഥയിൽ വലിയ മാറ്റമുണ്ടാക്കിയേക്കാ.

​ബ്രിട്ടനിൽ ക്രിക്കറ്റ് ബോൾ ക്ഷാമം: ഇറാൻ-ഇസ്രായേൽ യുദ്ധം മൂലം ഉൽപ്പാദന മേഖലയിലുണ്ടായ തടസ്സങ്ങൾ കാരണം ഇംഗ്ലണ്ടിൽ ക്രിക്കറ്റ് ബോളുകൾക്ക് വലിയ ക്ഷാമം നേരിടുന്നതായി വാർത്തകളുണ്ട് .

​സംസ്ഥാനത്തു മുഖ്യമന്ത്രിസ്ഥാനം സംബന്ധിച്ചു കോൺഗ്രസ്സിൽ ചക്കള ത്തി പോരാട്ടം തുടർന്നുകൊണ്ടിരിക്കെ ഘടകകക്ഷികളും അവകാശവാദങ്ങളു മായി രംഗത്തേക്ക്.
​മന്ത്രിസഭയിൽ അർഹമായ പ്രാതിനിധ്യം വേണമെന്ന് ഘടകകക്ഷികൾ ആവശ്യപ്പെട്ടു.
​ 22 സീറ്റുകൾ നേടിയ മുസ്ലിം ലീഗ് അഞ്ചാം മന്ത്രിസ്ഥാനത്തിനും ഉപമുഖ്യമന്ത്രി പദത്തിനുമായി സമ്മർദ്ദം ചെലുത്താൻ സാധ്യതയുണ്ട്.
7 സീറ്റുകൾ നേടിയ പി.ജെ. ജോസഫ് വിഭാഗം ​കേരള കോൺഗ്രസ് കുറഞ്ഞത് രണ്ട് മന്ത്രിസ്ഥാനങ്ങൾ ആവശ്യപ്പെട്ടിട്ടുണ്ട്.

ആർ.എസ്.പി നേതാവ് ഷിബു ബേബി ജോൺ, സി.എം.പി നേതാവ് സി.പി. ജോൺ എന്നിവരും മന്ത്രിസഭയിൽ ഇടംപിടിച്ചേക്കും.

​കോട്ടയത്ത് നിന്ന് തിരുവഞ്ചൂർ രാധാകൃഷ്ണൻ, ചാണ്ടി ഉമ്മൻ, മോൻസ് ജോസഫ്, മാണി സി. കാപ്പൻ എന്നിവരുടെ പേരുകൾ മന്ത്രി സ്ഥാനത്തേക്ക് ഉയർന്നിട്ടുണ്ട്.

​തമിഴ്‌നാട് രാഷ്ട്രീയം: നടൻ വിജയ് തമിഴ്‌നാട് മുഖ്യമന്ത്രിയായി സത്യപ്രതിജ്ഞ ചെയ്തതിന് പിന്നാലെ പ്രധാനമന്ത്രി നരേന്ദ്ര മോദി അദ്ദേഹത്തെ നേരിട്ട് വിളിച്ച് ആശംസകൾ അറിയിച്ചു. കേന്ദ്രവുമായി സഹകരിച്ച് നീങ്ങാമെന്ന് പ്രധാനമന്ത്രി ഉറപ്പുനൽകി.

ഉദയനിധി സ്റ്റാലിൻ തമിഴ്‌നാട് പ്രതിപക്ഷ നേതാവായി ചുമതലയേറ്റു.

​പശ്ചിമ ബംഗാളിൽ സുവേന്ദു അധികാരിയുടെ നേതൃത്വത്തിലുള്ള ബിജെപി സർക്കാർ അധികാരമേറ്റു. പ്രധാനമന്ത്രിയും അമിത് ഷായും സത്യപ്രതിജ്ഞാ ചടങ്ങിൽ പങ്കെടുത്തു. 15 വർഷത്തെ തൃണമൂൽ ഭരണത്തിന് ഇതോടെ അന്ത്യമായി.

​ പശ്ചിമേഷ്യൻ സംഘർഷങ്ങളുടെ പശ്ചാത്തലത്തിൽ രാജ്യത്ത് ഇന്ധന ഉപയോഗം കുറയ്ക്കാനും ‘വർക്ക് ഫ്രം ഹോം’ രീതികൾ പ്രോത്സാഹിപ്പിക്കാനും പ്രധാനമന്ത്രി ആഹ്വാനം ചെയ്തു. സാമ്പത്തിക ഭദ്രതയ്ക്കായി സ്വർണം വാങ്ങുന്നത് ഒഴിവാക്കണമെന്നും അദ്ദേഹം നിർദ്ദേശിച്ചു.

​എയർ ഇന്ത്യ നടപടി: ചട്ടലംഘനം നടത്തിയതിനെത്തുടർന്ന് കഴിഞ്ഞ മൂന്ന് വർഷത്തിനിടെ ആയിരത്തിലേറെ ജീവനക്കാരെ എയർ ഇന്ത്യ പുറത്താക്കിയതായി സിഇഒ കാംപ്ബെൽ വിൽസൺ വെളിപ്പെടുത്തി.

തന്നെ ആക്രമിക്കാനെത്തിയ പുള്ളിപ്പുലിയെ നേരിട്ട് കീഴ്പ്പെടുത്തിയ സത്യം താക്കൂർ എന്ന 13-കാരന്റെ വാർത്ത ഏറെ ശ്രദ്ധിക്കപ്പെട്ടു. പരിക്കേറ്റെങ്കിലും കുട്ടി പുലിയുടെ കഴുത്തിൽ മുറുക്കിപ്പിടിച്ച് സ്വയം രക്ഷിക്കുകയായിരുന്നു.

​ ഐപിഎല്ലിൽ വെറും 13 പന്തിൽ അർദ്ധ സെഞ്ച്വറി നേടി ഉർവിൽ പട്ടേൽ പുതിയ ചരിത്രം കുറിച്ചു

കേരളത്തിൽ വിവിധയിടങ്ങളിൽ വേനൽമഴ ശക്തമാകാൻ സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചു. ചില ജില്ലകളിൽ കാർമേഘങ്ങൾ കടുക്കുന്നതായും ഇടിമിന്നലോട് കൂടിയ മഴയ്ക്ക് സാധ്യതയുള്ളതായും റിപ്പോർട്ടുകളുണ്ട്.

​കോതമംഗലത്ത് ദാരുണ അപകടം
കോതമംഗലത്ത് പുഴയിൽ ഒഴുക്കിൽപ്പെട്ട് മൂന്ന് വിദ്യാർത്ഥികൾ മരിച്ചു. ബസേലിയോസ് ഡെന്റൽ കോളേജിലെ വിദ്യാർത്ഥികളാണ് അപകടത്തിൽപ്പെട്ടത്.

​അമൃതം പൊടിയിൽ പല്ലിയുടെ ജഡം
കണ്ണൂർ പെരിങ്ങോം വയക്കര പഞ്ചായത്തിലെ അങ്കണവാടിയിൽ വിതരണം ചെയ്ത അമൃതം പൊടിയിൽ ചത്ത പല്ലിയെ കണ്ടെത്തി. കുട്ടികൾക്ക് നൽകുന്ന പോഷകാഹാരത്തിന്റെ ഗുണനിലവാരത്തെക്കുറിച്ച് ഇത് വലിയ ആശങ്കയുയർത്തിയിട്ടുണ്ട്.

​തിരുവനന്തപുരം സെൻട്രൽ സ്റ്റേഷൻ നവീകരണം
439 കോടി രൂപ ചിലവിൽ നടക്കുന്ന തിരുവനന്തപുരം സെൻട്രൽ റെയിൽവേ സ്റ്റേഷൻ നവീകരണത്തിന് ശേഷവും തിരക്ക് നിയന്ത്രിക്കാൻ കഴിയില്ലെന്ന ആശങ്ക ശക്തമാകുന്നു. നിലവിലെ ഡിസൈൻ പ്രകാരം യാത്രക്കാരുടെ എണ്ണത്തിന് അനുസരിച്ചുള്ള സൗകര്യങ്ങൾ കുറവാണെന്നാണ് ആക്ഷേപം.

​
സംസ്ഥാനത്ത് സ്വർണവിലയിൽ നേരിയ കുറവ് രേഖപ്പെടുത്തി. പവന് 240 രൂപയോളമാണ് കുറഞ്ഞത്.

​ എടനീർ മഠത്തിൽ ജഗദ്ഗുരു ശങ്കരാചാര്യരുടെ പഞ്ചലോഹ വിഗ്രഹ അനാഛാദനം ഇന്ന് (മെയ് 11) നടക്കും. ചടങ്ങിൽ സംബന്ധിക്കാൻ എത്തിയ ശൃംഗേരി മഠാധിപതിക്ക് അതിർത്തിയിൽ ഔദ്യോഗിക സ്വീകരണം നൽകി.

നീലേശ്വരം ഓർച്ചയിൽ സി.പി.എം-മുസ്ലിം ലീഗ് പ്രവർത്തകർ തമ്മിലുണ്ടായ ഏറ്റുമുട്ടലിൽ രണ്ടുപേർക്ക് പരിക്കേറ്റു.

​ തമിഴ്‌നാട് മുഖ്യമന്ത്രിയായി നടൻ വിജയ് അധികാരമേറ്റതിൽ ആഹ്ലാദം പ്രകടിപ്പിച്ച് ബേക്കലിലെ ആരാധകർ മധുരപലഹാരങ്ങൾ വിതരണം ചെയ്തു.