കാസർകോട്: ഇരിയണ്ണി ഏ കെ ജി ഗ്രന്ഥാലയം വായനക്ക ളരിയുടെ ഭാഗമായി സംഘടിപ്പിച്ച പുസ്തകാസ്വാദന ചടങ്ങിൽ നോവലും കവിതയും ആസ്വദിച്ച് ബാലവേദി കുട്ടികൾ. എം ടി വാസുദേവൻ നായരുടെ നോവൽ ദയ എന്ന പെൺകുട്ടി, രാഘവൻ ബെള്ളിപ്പാടി യുടെ കവിതാസമാഹാരം തുറിച്ചു നോക്കുന്ന വാക്കുകൾ എന്നീ പുസ്തകങ്ങളുടെ ആസ്വാദനമാണ് നടത്തിയത് . രാഘവൻ ബെള്ളിപ്പാടി ആസ്വാദനത്തിന്റെ അർത്ഥതലങ്ങൾ കുട്ടികൾക്ക് പകർന്നു നൽകി. എസ് വി പങ്കജം,ടി കെ കൃഷ്ണൻ,പി ശകുന്തള, കെ വി നാരായണൻ, സൗമ്യ പ്രഭാകരൻ, എ പി പുരുഷോത്തമൻ,സി നാരായണി കുട്ടി, കെ ദിനേശൻ സംസാരിച്ചു. ശ്രീനന്ദ കെ അദ്ധ്യക്ഷത വഹിച്ചു. ഋത്വിക് രാജ് എം സ്വാഗതവും ദിയ കെ നന്ദിയും പറഞ്ഞു.
