കോഴിക്കോട്: വെള്ളയില് റോഡിലെ റെഡ് സ്റ്റാര് പ്രസ്സില് തീപിടിത്തം. ഇന്ന് ഉച്ചയ്ക്കാണ് സംഭവം. പേപ്പര് റോളുകള് സൂക്ഷിച്ച മുറിയിലാണ് തീപിടിത്തം ഉണ്ടായത്. തൊട്ടടുത്ത വീട്ടിലെ സ്ത്രീയാണ് സ്ഥാപനത്തില് നിന്ന് കറുത്ത പുക ഉയരുന്നത് കണ്ടത്. തുടര്ന്ന് അയല്വാസികളെ വിവരമറിയിക്കുകയായിരുന്നു. അവരാണ് ഫയര്ഫോഴ്സിനെ വിവരം അറിയിച്ചത്.
ഫയര്ഫോഴ്സ് എത്തി തീ നിയന്ത്രണവിധേയമാക്കി, ജനയുഗം പത്രത്തിലെ പേപ്പറുകളും, മറ്റ് സ്ഥാപനങ്ങളിലെ പേപ്പറുകളും മറ്റും സൂക്ഷിച്ചിരുന്ന മുറിയിലാണ് തീപിടിത്തം ഉണ്ടായത്. കെട്ടിടത്തിന് അകത്ത് തീപടര്ന്നില്ല. ഷോര്ട്ട് സര്ക്യൂട്ടാകാം തീപിടിത്തത്തിന്റെ കാരണമെന്നാണ് സംശയിക്കുന്നത്. സംഭവത്തെ കുറിച്ച് അന്വേഷിക്കുമെന്ന് പൊലീസ് പറഞ്ഞു.
