ന്യൂ ഡൽഹി: വോട്ടെണ്ണൽ തുടങ്ങാൻ മണിക്കൂറുകൾ അവശേഷിച്ചിരിക്കെയപശ്ചിമ ബംഗാളിലെ വോട്ടെണ്ണൽ കേന്ദ്രങ്ങളിൽ സുരക്ഷിതത്വം ഉറപ്പാക്കുന്നതിന് കേന്ദ്ര തെരഞ്ഞെടുപ്പ് കമ്മീഷൻ 165 അഡിഷണൽ ഒബ്സർവർമാരെയും 77 പോലീസ് ഒബ്സർവർമാരെയും നിയോഗിച്ചു. വോട്ടെണ്ണലിനും വോട്ടെണ്ണൽ കേന്ദ്രങ്ങൾക്കും സുരക്ഷിതത്വവും സമാധാന അന്തരീക്ഷവും സുതാര്യതയും ഭീഷണി വിമുക്തതയും ഉറപ്പാക്കാനാണിത്. പോലീസ് നിരീക്ഷകർ കൗണ്ടിംഗ് ഹാളിൽ പ്രവേശിക്കരുതെന്ന് നിർദ്ദേശിച്ചിട്ടുണ്ട്. ഒന്നിലധികം കൗണ്ടിംഗ് ഹാളുകളുള്ള പശ്ചിമബംഗാളിലെ 165 നിയമസഭാ മണ്ഡലങ്ങളിലെ കൗണ്ടിംഗ് നിരീക്ഷകരെ സഹായിക്കാനാണ് 165 അഡിഷണൽ കൗണ്ടിംഗ് നിരീക്ഷകരെ നിയോഗിച്ചിട്ടുള്ളത്.