കൊല്ലം: മാല പൊട്ടിച്ച് രക്ഷപ്പെട്ട യുവതിയുടെ ഇൻസ്റ്റഗ്രാം ചങ്ങാതിയെ പോലീസ് പിടിച്ചു. കോഴിക്കോട്ടു കാരനായ യദുകൃഷ്ണ (24)ആണ് പിടിയിലായത് . കരവാളൂർ സ്വദേശിനിയായ യുവതി ഇളമ്പലിലെ ബന്ധുവീട്ടിൽ എത്തിയപ്പോഴാണ് പരസ്പരം കാണാൻ പ്രതി അവിടെ എത്തിയതെന്ന് പറയുന്നു. തുടർന്ന് ഇരുവരും കുശലങ്ങൾ പറഞ്ഞു റോഡിലൂടെ ഉലാത്തുന്നതിനിടയിൽ യദുകൃഷ്ണ യുവതിയുടെ കഴുത്തിൽ നിന്ന് മാല പൊട്ടിച്ച് രക്ഷപ്പെടുകയായിരുന്നു. യുവതി സംഭവം ഉടൻ പോലീസിനെ അറിയിച്ചു. പോലീസിന്റെ സമയോചിതമായ ഇടപെടലിനെ തുടർന്നു പ്രതി പിടിയിലാവുകയായിരുന്നു.