കാസർകോട്: പുല്ലൂർ ഏ കെ ജി സ്മാരക ഗ്രന്ഥാലയത്തിന്റെ നേതൃത്വത്തിൽ ഏപ്രിൽ 20 മുതൽ മെയ് 20 വരെ ബാലവേദി കുട്ടികൾക്കായി നടത്തുന്ന വായനാ കളരിക്ക് തുടക്കമായി. റീൽസ് – ഡോക്യുമെൻ്ററി , പുസ്തകാസ്വാദനം , റീഡിംഗ് തിയേറ്റർ , നാടക കളരി,കഥ – കവിത – ചിത്ര ശില്പശാല , വോളിബോൾ പരിശീല നക്യാമ്പ് , വിനോദയാത്ര. കൈയെഴുത്ത് മാസികതയ്യാറാക്കൽ എന്നിവ നടക്കും.കളരി സാഹിത്യകാരനും ഗ്രന്ഥാലോകം പത്രാധിപരുമായ പി.വി. കെ. പനയാൽ ഉൽഘാടനം ചെയ്തു. ഗ്രന്ഥാലയം പ്രസിഡണ്ട് കുഞ്ഞികൃഷ്ണൻ ഒയക്കട അദ്ധ്യക്ഷത വഹിച്ചു . വായനകളരി കൺവീനർ വി.മാധവൻ , താലുക്ക് ലൈബ്രറി കൗൺസിൽ പഞ്ചായത്ത് കൺവീനർ പി അബ്‌ദുൾലത്തീഫ് .എം വിജയൻ , ഗ്രന്ഥാലയം സെക്രട്ടറി എംവി നാരായണൻ സംസാരിച്ചു.