കാസര്കോട്: ആള്മാറാട്ടം നടത്തി പ്ലസ്ടു പരീക്ഷയെഴുതിയതായി പരാതി. മൊഗ്രാല് ഗവ. വൊക്കേഷണല് ഹയര്സെക്കണ്ടറി സ്കൂള് പ്രിന്സിപ്പാള് വി.എസ് ബിനിയുടെ പരാതിയില് കേസെടുത്ത കുമ്പള പൊലീസ് ആള്മാറാട്ടക്കാരനെ അറസ്റ്റു ചെയ്തു. ബംബ്രാണ, അഡ്യത്തടുക്കയിലെ മുഹമ്മദ് മുക്താറി(20)നെയാണ് കുമ്പള പൊലീസ് ഇന്സ്പെക്ടര് ബൈജു കെ. ജോസ്, എസ്ഐ അനന്തകൃഷ്ണന് ആര് മേനോന് എന്നിവര് ചേര്ന്ന് അറസ്റ്റു ചെയ്തത്. സംഭവത്തില് പ്ലസ്ടു വിദ്യാര്ത്ഥിക്കെതിരെയും കേസെടുത്തിട്ടുണ്ട്. തിങ്കളാഴ്ച ഉച്ചക്ക് ശേഷം നടന്ന കമ്പ്യൂട്ടര് ആപ്ലിക്കേഷന് പരീക്ഷയില് ആണ് ആള്മാറാട്ടം നടത്തിയത്. പരീക്ഷയെഴുതേണ്ടിയിരുന്ന കുട്ടിയുടെ അറിവോടെ ആള്മാറാട്ടം നടത്തിയെന്നാണ് കുമ്പള പൊലീസ് രജിസ്റ്റര് ചെയ്ത കേസ്.
മകൻ ഷോക്കേറ്റ് മരിച്ചതിന് പിന്നാലെ മാതാവും മരിച്ചു
Wednesday, 15 July 2026, 21:33
