പി പി ചെറിയാൻ

വാഷിംഗ്ടൺ ഡി.സി ; അമേരിക്കൻ പൗരന്മാർക്ക് തങ്ങളുടെ പാസ്‌പോർട്ടുകൾ ഓൺലൈനായി പുതുക്കുന്നതിനുള്ള സൗകര്യം നിലവിൽ വന്നു. എന്നാൽ ഈ സേവനം പ്രയോജനപ്പെടുത്തുന്നതിന് സ്റ്റേറ്റ് ഡിപ്പാർട്ട്മെന്റ്പുതിയ നിബന്ധനകൾ വച്ചു .

ഒരാളുടെ കൈവശമുള്ള പാസ്‌പോർട്ട് 10 വർഷം കാലാവധിയുള്ളതായിരിക്കണം. ഇത് അടുത്ത ഒരു വർഷത്തിനുള്ളിൽ കാലാവധി കഴിയുന്നതോ, അല്ലെങ്കിൽ കാലാവധി കഴിഞ്ഞിട്ട് 5 വർഷത്തിൽ താഴെ മാത്രം ആയതോ ആയിരിക്കണം.

പേര്, ജനനത്തീയതി തുടങ്ങിയ വ്യക്തിഗത വിവരങ്ങളിൽ മാറ്റങ്ങളൊന്നും വരുത്താൻ പാടുള്ളതല്ല.

അപേക്ഷിക്കുമ്പോൾ നിങ്ങൾ നിലവിൽ ഒരു യു.എസ്. സ്റ്റേറ്റിലോ ടെറിട്ടറിയിലോ ഉണ്ടായിരിക്കണം.

പഴയ പാസ്‌പോർട്ട് കൈവശം ഉണ്ടായിരിക്കണം. അത് നഷ്ടപ്പെട്ടതോ മോഷ്ടിക്കപ്പെട്ടതോ ആയി റിപ്പോർട്ട് ചെയ്തതാകരുത്.

അപേക്ഷകർ 25 വയസ്സോ അതിൽ കൂടുതലോ പ്രായമുള്ളവരായിരിക്കണം.

അടിയന്തരമായി യാത്ര പ്ലാൻ ചെയ്യുന്നവർക്കും ‘എക്സ്പെഡൈറ്റഡ്’ സർവീസ് ആവശ്യമുള്ളവർക്കും ഈ സൗകര്യം ലഭ്യമല്ല.