പാലക്കാട്: രാഹുല് മാങ്കൂട്ടത്തിലിനെതിരെ കേസെടുക്കണമെന്ന് പരാതിക്കാരിയുടെ ഭര്ത്താവ് മുഖ്യമന്ത്രിയോട് ആവശ്യപ്പെട്ടു. തന്റെ അസാന്നിധ്യം അവസരമാക്കി രാഹുല് മാങ്കൂട്ടത്തില് പരാതിക്കാരിയെ വശീകരിക്കുകയായിരുന്നുവെന്നും കുടുംബ ജീവിതം തകര്ത്തുവെന്നും പരാതിക്കാരിയുടെ ഭര്ത്താവ് പരാതിയില് പറഞ്ഞു. ഡിജിപിക്കും പരാതി നല്കി. രാഹുലിനെതിരെ ബിഎന്എസ് 84 പ്രകാരം കേസ് എടുക്കണമെന്നാണ് പരാതിക്കാരിയുടെ ഭര്ത്താവിന്റെ ആവശ്യം.
തനിക്ക് വലിയ മാനനഷ്ടം ഉണ്ടായി. വിവാഹിതയാണെന്നറിഞ്ഞിട്ടും തന്റെ ഭാര്യയുമായി വഴിവിട്ട ബന്ധം സ്ഥാപിച്ചു. ഞങ്ങള് തമ്മിലുള്ള പ്രശ്നം തീര്ക്കാനാണ് ശ്രമിച്ചതെന്നായിരുന്നു രാഹുലിന്റെ വാദം. എന്നാല്, പ്രശ്നം പരിഹരിക്കാന് ആയിരുന്നെങ്കില് എന്തുകൊണ്ട് തന്നെ ബന്ധപ്പെട്ടില്ലെന്നു ഭര്ത്താവ് പരാതിയില് ചോദിച്ചു. വിഷയത്തില് യഥാര്ത്ഥ ഇര താനാണെന്നും അയാള് പറയുന്നു.
അതേസമയം, ബലാത്സംഗ പരാതിയില് സത്യം ജയിക്കുമെന്നും സത്യം മാത്രമേ ജയിക്കാവൂ എന്നും രാഹുല് മാങ്കൂട്ടത്തില് പ്രതികരിച്ചു. തനിക്ക് നല്ല ആത്മവിശ്വാസം ഉണ്ടെന്ന് അദ്ദേഹം പറഞ്ഞു.
