കാസര്‍കോട്: ഭക്ഷണം കഴിക്കുന്നതിനിടയില്‍ ഛര്‍ദ്ദിക്കുകയും മൂക്കിലൂടെയും വായിലൂടെയും രക്തം വരികയും ചെയ്തതിനെ തുടര്‍ന്ന് യുവാവ് മരിച്ചു. മഞ്ചേശ്വരം, ബായാര്‍, ചേരാല്‍ റംബായ്മൂല ഹൗസിലെ പരേതനായ ജയ- കമല ദമ്പതികളുടെ മകന്‍ പ്രശാന്ത് (32) ആണ് മരിച്ചത്. വെള്ളിയാഴ്ച പുലര്‍ച്ചെ രണ്ടുമണിയോടെയാണ് സംഭവം. ആദ്യം ഉപ്പയിലെ ആശുപത്രിയിലും പിന്നീട് ദേര്‍ളക്കട്ടയിലെ ആശുപത്രിയിലും എത്തിച്ചുവെങ്കിലും ജീവന്‍ രക്ഷിക്കാനായില്ല. കോണ്‍ക്രീറ്റ് ജോലിക്കാരനായിരുന്ന പ്രശാന്ത് ബി ജെ പി പ്രവര്‍ത്തകനായിരുന്നു. സംഭവത്തില്‍ മഞ്ചേശ്വരം പൊലീസ് അസ്വാഭാവിക മരണത്തിന് കേസെടുത്തു. മഹേഷ്, പുനിത്, അക്ഷത എന്നിവര്‍ പ്രശാന്തിന്റെ സഹോദരങ്ങളാണ്.