പാലക്കാട്: ശ്രീകൃഷ്ണപുരത്ത് യുവതിയെ ശ്വാസം മുട്ടിച്ചു കൊലപ്പെടുത്തിയ സംഭവത്തില് ഭര്ത്താവ് അറസ്റ്റില്. കാട്ടുകുളം സ്വദേശി ദീക്ഷിതിന്റെ ഭാര്യ വൈഷ്ണവിയാണ് (26) ആണ് കൊല്ലപ്പെട്ടത്. ഭര്ത്താവ് ദീക്ഷിതിന്റെ അറസ്റ്റ് രേഖപ്പെടുത്തിയതായി പൊലീസ് അറിയിച്ചു. വൈഷ്ണവിയെ ശ്വാസംമുട്ടിച്ചു കൊലപ്പെടുത്തിയതാണെന്ന് പോസ്റ്റ്മോര്ട്ടം റിപ്പോര്ട്ടില് വ്യക്തമായിരുന്നു. ഒക്ടോബര് 9 ന് രാത്രിയാണ് വൈഷ്ണവിയെ ആശുപത്രിയില് എത്തിച്ചത്. ശാരീരിക അസ്വസ്ഥതകള് ഉണ്ടെന്ന് വൈഷ്ണവിയുടെ ബന്ധുക്കളെയും അറിയിച്ചു. ആശുപത്രിയില് എത്തിയ ശേഷം വൈഷ്ണവി മരിച്ചതായി ഡോക്ടര് അറിയിച്ചു.
എന്നാല് പോസ്റ്റുമോര്ട്ടത്തില് സത്യം പുറത്തുവന്നു. കൊന്നത് ദീക്ഷിത് തന്നെയെന്ന് മണ്ണാര്ക്കാട് ഡിവൈഎസ്പി പറഞ്ഞു. ചോദ്യം ചെയ്യലില് പ്രതി കുറ്റം സമ്മതിച്ചു. വൈഷ്ണവിക്ക് മറ്റൊരാളുമായി ബന്ധമുണ്ടെന്ന് സംശയത്തെ തുടര്ന്നുള്ള കൊലപാതകമെന്ന് പൊലീസ് വ്യക്തമാക്കി. ദീക്ഷിതിന്റെ വീട്ടില് ഫോറന്സിക് ഉദ്യോഗസ്ഥര് പരിശോധന നടത്തി. മലപ്പുറം പെരിന്തല്മണ്ണ ആനമങ്ങാട് ചോലക്കല് വീട്ടില് ഉണ്ണികൃഷ്ണന്റെയും ശാന്തയുടെയും മകളാണ് വൈഷ്ണവി. ഒന്നരവര്ഷംമുമ്പ് ആയിരുന്നു വൈഷ്ണവിയും ദീക്ഷിതും തമ്മിലുള്ള വിവാഹം നടന്നത്.
ഡോക്ടര്മാരില്ല; പാണത്തൂരിലെ കുടുംബാരോഗ്യ കേന്ദ്രം അടച്ചുപൂട്ടി, മലയോരത്തെ രോഗികള് ദുരിതത്തില്
Sunday, 9 August 2026, 12:40
