കണ്ണൂര്: പുതിയങ്ങാടിയില് ഗ്യാസ് സിലിണ്ടര് പൊട്ടിത്തെറിച്ചു. അപകടത്തില് ഏഴ് പേര്ക്ക് പരിക്കേറ്റു. ഒരാളുടെ നില ഗുരുതരമാണ്. പരിക്കേറ്റവര് ഇതര സംസ്ഥാന തൊഴിലാളികളാണ്. വെള്ളിയാഴ്ച രാവിലെ ആറുമണിയോടെ പുതിയങ്ങാടി ബസ് സ്റ്റാന്ഡിന് സമീപത്തെ വാടക ക്വാര്ട്ടേഴ്സിലാണ് അപകടം നടന്നത്. രാവിലെ ഭക്ഷണം പാകം ചെയ്യാന് ഗ്യാസ് അടുപ്പ് കത്തിക്കുന്നതിനിടയില് സിലിണ്ടര് പൊട്ടിത്തെറിക്കുകയായിരുന്നു. ഒറീസ സ്വദേശികളായ തൊഴിലാളികളായ ഏഴ് പേര്ക്കാണ് പരിക്കേറ്റത്. പരിക്കേറ്റവരെ പരിയാരം സര്ക്കാര് മെഡിക്കല് കോളേജില് പ്രവേശിപ്പിച്ചു. നാല് പേര് നിലവില് ചികില്സയിലാണ്. നിസാര പരിക്കേറ്റ മൂന്ന് പേര്ക്ക് പ്രാഥമിക ചികില്സ നല്കി. വ്യാഴാഴ്ച രാത്രി ഗ്യാസ് അടുപ്പ് കൃത്യമായി ഓഫ് ചെയ്തിരുന്നില്ലെന്നാണ് വിവരം. രാവിലെ അടുപ്പില് തീപിടിപ്പിക്കാന് ശ്രമിക്കവേ തീയാളിപ്പടരുകയായിരുന്നു. ഗ്യാസ് സിലിണ്ടറില് നിന്നുള്ള ചോര്ച്ചയാകാം അപകടത്തിന് കാരണമെന്നാണ് നിഗമനം.
ഡോക്ടര്മാരില്ല; പാണത്തൂരിലെ കുടുംബാരോഗ്യ കേന്ദ്രം അടച്ചുപൂട്ടി, മലയോരത്തെ രോഗികള് ദുരിതത്തില്
Sunday, 9 August 2026, 12:40
