Day: September 18, 2025

കാസര്‍കോട്: 15 കാരിയായ പേരക്കുട്ടിയെ പീഡിപ്പിച്ചുവെന്ന പരാതിയില്‍ 61 കാരനായ വലുപ്പയെ അമ്പലത്തറ പൊലീസ് അറസ്റ്റു ചെയ്തു. ജൂണ്‍ മാസം മുതല്‍ മൂന്നുമാസത്തോളം കാലം വിവിധ ദിവസങ്ങളില്‍ പീഡിപ്പിച്ചുവെന്ന പരാതിയിലാണ് അറസ്റ്റ്. സ്‌കൂള്‍ വിദ്യാര്‍ത്ഥിനിയായ പെണ്‍കുട്ടി മാതാവിന്റെ വീട്ടിലാണ് താമസം. ഭയം കാരണം കുട്ടി വിവരം മറ്റാരോടും പറഞ്ഞിരുന്നില്ല. എന്നാല്‍ അധ്യാപികമാര്‍ വഴി വിവരമറിഞ്ഞ ചൈല്‍ഡ് ലൈന്‍ അധികൃതര്‍ കൗണ്‍സിലിംഗ് നടത്തിയപ്പോഴാണ് പീഡന സംഭവം വ്യക്തമായത്. തുടര്‍ന്ന് പൊലീസില്‍ പരാതി നല്‍കിയതോടെയാണ് കേസെടുത്ത് പ്രതിയെ അറസ്റ്റു ചെയ്തത്.

കാസര്‍കോട്: സ്‌കൂട്ടറുമായി വീട്ടില്‍ നിന്നു പുറത്തേയ്ക്കു പോയ യുവാവിനെ കാണാതായതായി പരാതി. ഉപ്പള, മണ്ണംകുഴി, കോടിബയല്‍ ഹൗസിലെ മുഹമ്മദ് ഷാഹിലി (28)നെയാണ് കാണാതായത്. സഹോദരന്‍ ഷേയ്ഖ് മുഹമ്മദ് സുഹൈലിന്റെ പരാതിയില്‍ മഞ്ചേശ്വരം പൊലീസ് കേസെടുത്ത് അന്വേഷണം തുടങ്ങി.ചൊവ്വാഴ്ച രാത്രി 9.30മണിയോടെയാണ് മുഹമ്മദ് ഷാഹില്‍ വീട്ടില്‍ നിന്നു പുറത്തേയ്ക്ക് പോയതെന്നു സഹോദരന്‍ നല്‍കിയ പരാതിയില്‍ പറഞ്ഞു. ഉടന്‍ വരാമെന്ന് പറഞ്ഞു പോയതിനു ശേഷം തിരിച്ചെത്തിയിട്ടില്ലെന്നു പരാതിയില്‍ കൂട്ടിച്ചേര്‍ത്തു.

കാസര്‍കോട്: ഇച്ചിലങ്കോട്, അണക്കെട്ടിനു സമീപത്ത് കാട്ടിനകത്ത് കോഴി അങ്കം നടത്തുകയായിരുന്ന ഏഴുപേര്‍ അറസ്റ്റില്‍. സ്ഥലത്തു നിന്നു 9 അങ്കക്കോഴികളെയും 2,750 രൂപയും പിടികൂടി. കാസര്‍കോട്, കൂഡ്‌ലുവിലെ സന്തോഷ് (32), ബായാര്‍, കന്യാനയിലെ ദിലീപ് (35), ഉപ്പള, മജ്ബയലിലെ സീതാരാമഷെട്ടി (45), ബേക്കൂറിലെ സന്തോഷ് ഷെട്ടി (45), പൈവളിഗെയിലെ ഐത്തപ്പ (30), ബായാറിലെ കിഷോര്‍ (30), ഇച്ചിലങ്കോട്ടെ സുന്ദര ഷെട്ടി (60) എന്നിവരെയാണ് കുമ്പള പൊലീസ് ഇന്‍സ്‌പെക്ടര്‍ പി കെ ജിജീഷും സംഘവും അറസ്റ്റു ചെയ്തത്.കോഴി അങ്കം നടക്കുന്നുണ്ടെന്ന …

Read more “ഇച്ചിലങ്കോട്ട് കോഴി അങ്കം; വേഷം മാറിയെത്തിയ പൊലീസ് ഏഴുപേരെ അറസ്റ്റു ചെയ്തു, 9 അങ്കക്കോഴികളെയും പണവും പിടിച്ചെടുത്തു”