കാസര്കോട്: സഹകരണ പെന്ഷന്കാര് ഒക്ടോബര് 31 നകം മസ്റ്ററിങ് ചെയ്യണമെന്ന് സംസ്ഥാന സഹകരണ ജീവനക്കാരുടെ പെന്ഷന് ബോര്ഡ് അഡീഷണല് രജിസ്ട്രാര് അറിയിച്ചു. കേരള സംസ്ഥാന സഹകരണ ജീവനക്കാരുടെ പെന്ഷന് ബോര്ഡ് മുഖേന പെന്ഷന് വാങ്ങുന്ന പ്രാഥമിക സഹകരണ സംഘം, കേരള ബാങ്ക്, സഹകരണേതര വകുപ്പുകളിലെ സഹകരണ സംഘങ്ങളില് നിന്നും വിരമിച്ച പെന്ഷന്കാര്, കുടുംബ പെന്ഷന് വാങ്ങുന്നവര്, ആശ്വാസ്-സമാശ്വാസ് പദ്ധതി പ്രകാരം പെന്ഷന് വാങ്ങുന്നവര്, കയര് സ്പെഷ്യല് സ്കീം പ്രകാരം പെന്ഷന് വാങ്ങുന്നവര് എന്നിങ്ങനെ 2025 ജനുവരി മാസത്തിന് മുന്പ് പെന്ഷന് ലഭിച്ചു തുടങ്ങിയവര് അക്ഷയ കേന്ദ്രം വഴി ബയോമെട്രിക് രീതിയില് മസ്റ്ററിങ് നടത്തണം. ഒക്ടോബര് 31 നകം മസ്റ്ററിങ് നടത്താത്തവര്ക്ക് ഡിസംബര് മാസം മുതല് പെന്ഷന് മുടങ്ങുമെന്ന് പെന്ഷന് ബോര്ഡ് അഡീഷണല് രജിസ്ട്രാര് അറിയിച്ചു.
