കൊച്ചി: എറണാകുളം ആലുവയിലെ വ്യാപാര സ്ഥാപനത്തിൽ നിന്ന് വെളിച്ചെണ്ണ മോഷ്ടിച്ച കേസിലെ പ്രതി പിടിയിൽ. അസ്സം സ്വദേശി ജാവേദ് അലിയെയാണ് ആലുവ പൊലീസ് പെരുമ്പാവൂരിൽ നിന്ന് പിടികൂടിയത്. കഴിഞ്ഞ ദിവസം തോട്ടുമുഖത്തെ ഷാ വെജിറ്റബിൾസിലാണ് മോഷണം നടന്നത്. 30 കുപ്പി വെളിച്ചെണ്ണയും ഒരു പെട്ടി ആപ്പിളും അയ്യായിരും രൂപയുൾപ്പെടെയാണ് പ്രതി കവർന്നത്. നൂറോളം സിസിടിവി ദൃശ്യങ്ങൾ പരിശോധിച്ചാണ് പൊലീസ് പ്രതിയിലേക്ക് എത്തിയത്. കോതമംഗലത്ത് നിന്ന് മോഷ്ടിച്ച ഒംനി വാനിൽ രാത്രി സഞ്ചരിച്ചായിരുന്നു മോഷണം. മോഷ്ടിച്ച സാധനങ്ങൾ ഇതര സംസ്ഥാന തൊഴിലാളികൾക്ക് വിൽക്കുന്നതായിരുന്നു പ്രതിയുടെ രീതി. വെള്ളിയാഴ്ച രാത്രിയാണ് എസ്.പിയുടെ പ്രത്യേക സ്ക്വാഡ് പ്രതിയെ പെരുമ്പാവൂരിൽ നിന്ന് പിടികൂടിയത്. ഇയാളെ ഇന്ന് ആലുവ കോടതിയിൽ ഹാജരാക്കും.