കാസര്കോട്: ശക്തമായി തുടരുന്ന മഴക്കാലവും ജില്ലയിലെ സ്കൂളുകളെ ബാധിക്കുന്ന സംഭവങ്ങളുടെ സമീപകാല റിപ്പോര്ട്ടുകളും കണക്കിലെടുത്ത്, ജില്ലയിലുടനീളം സ്കൂള് സുരക്ഷ ശക്തിപ്പെടുത്തുന്നതിന്
അഡീഷണല് ജില്ലാ മജിസ്ട്രേറ്റും ചീഫ് എക്സിക്യൂട്ടീവ് ഓഫീസറുമായ പി അഖിലിന്റെ നേതൃത്വത്തില് ജില്ലാ ദുരന്ത നിവാരണ അതോറിറ്റി (ഡിഡിഎംഎ) അടിയന്തര നിര്ദ്ദേശങ്ങള് പുറപ്പെടുവിച്ചു.
എല്ലാ സ്കൂളുകളിലും സ്കൂള് സുരക്ഷാ സമിതികള് ഉടന് വിളിച്ചുകൂട്ടാന് വിദ്യാഭ്യാസ ഡെപ്യൂട്ടി ഡയറക്ടര്ക്ക് നിര്ദ്ദേശം നല്കി. ഓരോ സ്ഥാപനത്തിന്റെയും മേധാവിയുടെ അധ്യക്ഷതയിലുള്ള ഈ കമ്മിറ്റികള്, വിവിധ സുരക്ഷാ പ്രശ്നങ്ങള് വിശദമായി വിലയിരുത്താന് നിര്ദ്ദേശം നല്കി.
കെട്ടിടങ്ങളുടെ ഘടനാപരമായ സുരക്ഷ, വൈദ്യുത ലൈനുകളുടെയും ട്രാന്സ്ഫോര്മറുകളുടെയും സാമീപ്യവും അപകടങ്ങളും, സമീപത്തുള്ള ജലാശയങ്ങള്, കിണറുകള്, റോഡ് എന്നിവയില് നിന്നുള്ള അപകടസാധ്യതകള്, കാട്ടുമൃഗങ്ങളില് നിന്നും പാമ്പ് ഉള്പ്പെടെ വിഷജീവികളില് നിന്നുമുള്ള ഭീഷണികള്,
സ്കൂള് ഗതാഗത സുരക്ഷ, അഗ്നിബാധയ്ക്കും പൊതു ദുരന്തത്തിനുമുള്ള സാധ്യത, മറ്റു അപകടസാധ്യതകള് എന്നിവ പരിഹരിക്കുന്നതിന് സമിതികള് കെ.എസ്.ഇ.ബി, പി.ഡബ്ല്യു.ഡി (കെട്ടിടങ്ങള്), ഫയര് ആന്ഡ് റെസ്ക്യൂ, ആര്.ടി.ഒ, വനം വകുപ്പ് എന്നിവയിലെ സാങ്കേതിക വിദഗ്ധരുമായി ഏകോപിപ്പിക്കാന് നിര്ദ്ദേശം നല്കിയിട്ടുണ്ട്. ഈ നടപടികള് തദ്ദേശ സ്വയംഭരണ വകുപ്പിന്റെ എഞ്ചിനീയറിംഗ് വിംഗ് മാര്ഗനിര്ദ്ദേശങ്ങള് പാലിക്കണം. അതിശക്തമായ മഴ തുടരുന്ന സാഹചര്യത്തില് വിദ്യാര്ത്ഥികളെയും ജീവനക്കാരെയും സംരക്ഷിക്കുന്നതിന് ഈ നിര്ദ്ദേശങ്ങള് എത്രയും വേഗം നടപ്പിലാക്കണമെന്ന് അഡീഷണല് ജില്ലാ മജിസ്ട്രേറ്റ് കര്ശന നിര്ദേശം നല്കി.
അനുജൻ്റെ മരണാനന്തര ചടങ്ങിനിടെ കുഴഞ്ഞുവീണ ജ്യേഷ്ഠൻ മരിച്ചു
Saturday, 25 July 2026, 7:46
