കാസർകോട്: നാടൻ കള്ള തോക്കുകളുമായി യുവാവിനെ രാജപുരം പൊലീസ് അറസ്റ്റ് ചെയ്തു. ആലക്കോട് കാർത്തികപുരം സ്വദേശി എം കെ അജി (32) ആണ് പിടിയിലായത്. കോട്ടക്കുന്നിലെ ഇയാളുടെ പണിശാലയിൽ നിന്ന് രണ്ട് കള്ള തോക്കുകളും, തോക്കിന്റെ ഭാഗങ്ങളും പൊലീസ് കണ്ടെടുത്തു. മലയോര മേഖലയിൽ കള്ള തോക്ക് നിർമ്മിച്ചു നൽകുന്ന ആളാണ് പ്രതിയെന്നാണ് വിവരം. യുവാവിനെതിരെ രാജപുരം, കർണാടക സുള്ള്യ പൊലീസ് സ്റ്റേഷനുകളിൽ കേസുകളുണ്ടെന്നു പൊലീസ് പറഞ്ഞു.