കാസര്‍കോട്: ഉദുമ ആസ്ഥാനമായി താലൂക്ക് രൂപീകരിക്കണമെന്ന് കേരള വ്യാപാരി വ്യവസായി ഏകോപന സമിതി ഉദുമ യൂണിറ്റ് വാര്‍ഷിക പൊതുയോഗം ആവശ്യപ്പെട്ടു. ജില്ലാ പ്രസിഡന്റ് കെ അഹമ്മദ് ഷെരീഫ് ഉദ്ഘാടനം ചെയ്തു.
ഉദുമ റെയില്‍വേ ഗേറ്റ് ജംഗ്ഷനില്‍ ഐ മാക്സ് ലൈറ്റ് സ്ഥാപിക്കണമെന്ന ആവശ്യവും ഉന്നയിച്ചു. യൂണിറ്റ് പ്രസിഡന്റ് എ വി ഹരിഹരസൂദന്‍ ആധ്യക്ഷം വഹിച്ചു. അംഗങ്ങളുടെ മക്കളില്‍ എസ്.എസ്.എല്‍.സി, പ്ലസ്ടു, ഡിഗ്രി പരീക്ഷകളില്‍ വിജയിച്ചവരെ ഉപഹാരം നല്‍കി അനുമോദിച്ചു. യൂണിറ്റ് ജനറല്‍ സെക്രട്ടറി കെ മുഹമ്മദ് കുഞ്ഞി ബേവിഞ്ച പ്രവര്‍ത്തന റിപ്പോര്‍ട്ടും ട്രഷറര്‍ മുനീര്‍ ബ്രാന്റ് വരവ് ചെലവ് കണക്കും, വൈസ് പ്രസിഡന്റ് യൂസഫ് അനുശോചനവും അവതരിപ്പിച്ചു. ജില്ലാ ജോ.സെക്രട്ടറി കുഞ്ഞിരാമന്‍ ആകാശ്, യൂണിറ്റ് വൈസ് പ്രസിഡന്റുമാരായ ഉമേശന്‍ പി.വി, പി.വി അശോകന്‍, യൂത്ത് വിംഗ് യൂണിറ്റ് പ്രസിഡന്റ് മാഹിന്‍ കല്ലട്ര, വനിതാവിംഗ് യൂണിറ്റ് ജനറല്‍ സെക്രട്ടറി വത്സല ലോഹിതാക്ഷന്‍, യൂണിറ്റ് ജോ.സെക്രട്ടറിമാരായ കരുണാകരന്‍ എം. ഉമ്മര്‍ ഫാറൂക്ക് സംസാരിച്ചു.
വിള്ളല്; വീരമല കുന്നിലും മട്ടലായി കുന്നിലും ഡ്രോണ് സര്വേ, നാളെ ജില്ലാ കളക്ടര് നേതൃത്വം നല്കും
Wednesday, 18 June 2025, 16:22
