ന്യൂഡൽഹി: രാജ്യത്ത് യുപിഐ ഇടപാടുകൾക്ക് നാളെ മുതൽ വേഗമേറും. നിലവിൽ പേയ്മെന്റ് പൂർത്തിയാക്കാനുള്ള 30 സെക്കൻഡ് 15 സെക്കൻഡായി കുറയുമെന്ന് നാഷനൽ പേയ്മെന്റ് കോർപറേഷൻ ഓഫ് ഇന്ത്യ(എൻപിസിഐ) അറിയിച്ചു. ഒപ്പം പേയ്മെന്റുകളുടെ സ്ഥിതി വിവരങ്ങൾ പരിശോധിക്കാനും അക്കൗണ്ടുകൾ കണ്ടെത്താനുള്ള സമയം 10 സെക്കൻഡായും കുറയും. റിക്വസ്റ്റ് പേ, റെസ്പോൺസ് പേ എന്നിവയുടെ സമയം 30 സെക്കൻഡിൽ നിന്ന് 15 സെക്കൻഡായും മാറും.ക്രെഡിറ്റ്, ഡെബിറ്റ് ഇടപാടുകൾക്കു മാറ്റങ്ങൾ ബാധകമാകും. പ്രതിദിനം 50 തവണ അക്കൗണ്ട് ബാലൻസ് പരിശോധിക്കാമെന്നത് ഉൾപ്പെടെ കൂടുതൽ മാറ്റങ്ങൾ ജൂലൈ മുതൽ നിലവിൽ വരുമെന്നും എൻപിസിഐ അറിയിച്ചിട്ടുണ്ട്.