Day: May 8, 2025

കാസര്‍കോട്: തലപ്പാടി-കുമ്പള ഭാഗങ്ങളില്‍നിന്ന് കാസര്‍കോട്ടേക്ക് വരുന്ന സ്വകാര്യ ബസ്സുകളില്‍ ചില ബസ്സുകള്‍ കാസര്‍കോട് പുതിയ ബസ് സ്റ്റാന്റില്‍ യാത്ര അവസാനിപ്പിക്കുന്നത് യാത്രക്കാര്‍ക്ക് ദുരിതമാകുന്നതായി ആക്ഷേപം. ബസ്സുകള്‍ പുതിയ ബസ് സ്റ്റാന്റില്‍ പ്രവേശിച്ചാല്‍ അതിലുള്ള യാത്രക്കാരോട് പഴയ ബസ് സ്റ്റാന്റിലേക്ക് പോകണമെങ്കില്‍ ബസ് മാറിക്കയറാന്‍ പറയുന്നത് സ്ത്രീകളും കൈകുഞ്ഞുങ്ങളുമായി വരുന്ന സ്ത്രീ യാത്രക്കാര്‍ക്കും, പ്രായമായ യാത്രക്കാര്‍ക്കും പ്രയാസമുണ്ടാക്കുന്നതായാണ് പരാതി.ചില ബസ്സുകള്‍ പുതിയ ബസ് സ്റ്റാന്റില്‍ എത്തിയാല്‍ പഴയ ബസ് സ്റ്റാന്റിലേക്ക് പോകുന്ന മറ്റു സ്വകാര്യ ബസുകളില്‍ പോകാനാണ് പറയുന്നത്. …

Read more “കാസര്‍കോട്ടു ബസ് യാത്രക്കാര്‍ വിഷമത്തില്‍; പുതിയ ബസ് സ്റ്റാന്റില്‍ നിന്ന് ബസ് മാറി കയറാന്‍ നിര്‍ബന്ധിക്കുന്നെന്നു പരാതി”

കാസര്‍കോട്: കുമ്പള, കുണ്ടങ്കേരടുക്ക സ്വദേശിനിയായ യുവതിയെ കാണാതായതായി പരാതി. കോയിപ്പാടി വില്ലേജിലെ കുണ്ടങ്കേരടുക്കയിലെ ഗോപാലകൃഷ്ണന്റെ ഭാര്യ രോഹിണി (34)യെ ആണ് കാണാതായത്. ബുധനാഴ്ച രാവിലെ 9.30ന് പള്ളത്തടുക്കയിലെ അമ്മയുടെ വീട്ടിലേക്ക് പോകുന്നുവെന്നു പറഞ്ഞാണ് വീട്ടില്‍ നിന്നു ഇറങ്ങിയത്. അതിനു ശേഷം ഭാര്യയെ കുറിച്ച് ഒരു വിവരവും ഇല്ലെന്ന് ഭര്‍ത്താവ് കുമ്പള പൊലീസില്‍ നല്‍കിയ പരാതിയില്‍ പറയുന്നു. പൊലീസ് കേസെടുത്ത് അന്വേഷണം തുടങ്ങി.

കാസര്‍കോട്: തെയ്യം കാണാനെന്നു പറഞ്ഞ് വീട്ടില്‍ നിന്നും ഇറങ്ങിയ പതിനാറുകാരിയെ കാണാതായതായി പരാതി. പാലാവയല്‍, മലാംകടവ് സ്വദേശിനിയായ പെണ്‍കുട്ടിയെ ആണ് കാണാതായത്. മാതാവ് നല്‍കിയ പരാതിയില്‍ ചിറ്റാരിക്കാല്‍ പൊലീസ് കേസെടുത്തു. കാറ്റാംകവല ചാമുണ്ഡേശ്വരി ക്ഷേത്രത്തില്‍ നടന്ന തെയ്യം കെട്ട് ഉത്സവം കാണാന്‍ പോകുന്നുവെന്ന് പറഞ്ഞ് മെയ് നാലിനാണ് പെണ്‍കുട്ടി വീട്ടില്‍ നിന്നും ഇറങ്ങിയതെന്നു പരാതിയില്‍ പറഞ്ഞു. തിരിച്ചെത്താത്തതിനാലാണ് പരാതി നല്‍കുന്നതെന്നു കൂട്ടിച്ചേര്‍ത്തു.അതേ സമയം പെണ്‍കുട്ടി എവിടെ പോയതെന്നു കണ്ടെത്താന്‍ ചിറ്റാരിക്കാല്‍ പൊലീസ് ഊര്‍ജ്ജിതമായ അന്വേഷണം തുടരുകയാണ്. പെണ്‍കുട്ടി …

Read more “തെയ്യം കാണാന്‍ പോയ പതിനാറുകാരി എവിടെ? മാതാവിന്റെ പരാതിയില്‍ പൊലീസ് അന്വേഷണം തുടങ്ങി”

കാസര്‍കോട് :കെപിസിസി പ്രസിഡന്റായി കെ സുധാകരന്‍ തുടരട്ടെ എന്ന് ഡി സി സി ഓഫീസിനു മുന്നില്‍ ഫ്‌ളക്‌സ് ബോര്‍ഡ് പ്രത്യക്ഷപ്പെട്ടു.യുദ്ധം ജയിച്ചു മുന്നേറുമ്പോള്‍ സൈന്യാധിപനെ പിന്‍വലിക്കുന്നത് എതിര്‍പക്ഷത്തിന് കാര്യങ്ങള്‍ എളുപ്പമാക്കുന്നതിനു തുല്യമാണെന്നു ബോര്‍ഡ് ഹൈ കമ്മന്റിനെ ഓര്‍മിപ്പിച്ചു.സേവ് കോണ്‍ഗ്രസ് കാസര്‍കോട് എന്ന പേരിലാണ് ബോര്‍ഡ് പ്രത്യക്ഷപ്പെട്ടിട്ടുള്ളത്.ബോര്‍ഡിന്റെ സാന്നിധ്യം കോണ്‍ഗ്രസിലെ ഒളിപ്പോരാട്ടത്തിന് ശക്തി പകരുമെന്ന് കരുതുന്നു.