കൊച്ചി: സിനിമാ-സീരിയല്‍ താരം വിഷ്ണു പ്രസാദ് അന്തരിച്ചു. കരള്‍ രോഗത്തെത്തുടര്‍ന്ന് ദീര്‍ഘനാളായി ചികിത്സയിലായിരുന്നു. എറണാകുളത്തെ സ്വകാര്യ ആശുപത്രിയില്‍ വ്യാഴാഴ്ച്ച രാത്രിയിലായിരുന്നു അന്ത്യം. സംസ്‌കാരം നാളെ.
വിഷ്ണു പ്രസാദിന്റെ കരള്‍ മാറ്റിവയ്ക്കല്‍ ശസ്ത്രക്രിയയ്ക്കുള്ള ഒരുക്കത്തിലായിരുന്നു കുടുംബം. കരള്‍ നല്‍കാന്‍ മകള്‍ തയ്യാറായിരുന്നു. ചികിത്സയ്ക്കായി ഭീമമായ തുക കണ്ടെത്താനുള്ള ശ്രമത്തിലായിരുന്നു. ഇതിനിടയിലാണ് മരണം. മാമ്പഴക്കാലം, റണ്‍വേ, ലയണ്‍, ബെന്‍ ജോണ്‍സണ്‍, ലോകനാഥന്‍ ഐഎഎസ്, കാശി, കൈയെത്തും ദൂരത്ത് തുടങ്ങിയ ചിത്രങ്ങളിലും നിരവധി സീരിയലുകളിലും അഭിനയിച്ചിട്ടുണ്ട്. രണ്ട് പെണ്‍മക്കളുണ്ട്.
കാർ നിയന്ത്രണം വിട്ട് മറിഞ്ഞ് ബന്തിയോട്ടെ ഫോട്ടോഗ്രാഫർക്ക് ദാരുണാന്ത്യം
Wednesday, 28 May 2025, 22:09
