-പി പി ചെറിയാൻ
ലോസ് ഏഞ്ചൽസ്: കാലിഫോർണിയയിൽ ജയിൽ അക്രമണവും കൊലപാതകവും തുടരുന്നു;ജയിൽ സംഘട്ടനങ്ങളിൽ ഈ വർഷം ഒരു ഡസനിലധികം തടവുകാർ കൊല്ലപ്പെട്ടു. . വാരാന്ത്യത്തിൽ ലോസ് ഏഞ്ചൽസ് കൗണ്ടിയിലെ ഒരു ബലാത്സംഗ കുറ്റവാളിയെ സഹതടവുകാരൻ കൊലപ്പെടുത്തിയതായി അവസാന റിപ്പോർട്ടിൽ പറയുന്നു. 51 കാരനായ റെനി റോഡ്രിഗസിനെയാണ് കാലിഫോർണിയ സ്റ്റേറ്റ് ജയിലിൽ, 7:15 ന് പകൽ സമയത്തു സഹതടവുകാരനായ കെന്നത്ത് വിൽസൺ ആക്രമിച്ചു കൊലപ്പെടുത്തിയത്. ഞായറാഴ്ചയായിരുന്നു സംഭവമെന്ന് സംസ്ഥാന ജയിൽ ഉദ്യോഗസ്ഥർ പറഞ്ഞു.പരിക്കേറ്റ റോഡ്രിഗസിനെ മെഡിക്കൽ സ്ഥാപനത്തിൽഎത്തിച്ചെങ്കിലും മരണപ്പെടുകയായിരുന്നെന്നു കാലിഫോർണിയ ഡിപ്പാർട്ട്മെന്റ് ഓഫ് കറക്ഷൻസ് ആൻഡ് റീഹാബിലിറ്റേഷൻ അറിയിച്ചു.
റോഡ്രിഗസിന്റെ മരണം ഈ വാരാന്ത്യത്തിലെ രണ്ടാമത്തെ സംശയിക്കപ്പെടുന്ന കൊലപാതകവും ഈ മാസം റിപ്പോർട്ട് ചെയ്യപ്പെട്ട അഞ്ചാമത്തെ കൊലപാതകവുമാണ്. ഈ വർഷം സംസ്ഥാന ജയിലുകളിൽ നടന്ന 13-ാമത്തെ കൊലപാതകമാണ് ഇതെന്ന്അധികൃതർ സൂചിപ്പിച്ചു. – കഴിഞ്ഞ വർഷം 24 തടവുകാരുടെ കൊലപാതകങ്ങൾ റിപ്പോർട്ട് ചെയ്തിരുന്നു.
മാർച്ച് 8 മുതൽ ഏപ്രിൽ 11 വരെ, കാലിപാട്രിയ സ്റ്റേറ്റ് ജയിൽ, സെന്റിനല സ്റ്റേറ്റ് ജയിൽ, കാലിഫോർണിയ കറക്ഷണൽ ഇൻസ്റ്റിറ്റ്യൂഷൻ, ഹൈ ഡെസേർട്ട് സ്റ്റേറ്റ് ജയിൽ, കെർണൽ വാലി സ്റ്റേറ്റ് ജയിൽ, കാലിഫോർണിയ സ്റ്റേറ്റ് ജയിൽ-ലോസ് ഏഞ്ചൽസ് കൗണ്ടി, മ്യൂൾ ക്രീക്ക് സ്റ്റേറ്റ് ജയിൽ, പെലിക്കൻ ബേ സ്റ്റേറ്റ് ജയിൽ, കാലിഫോർണിയ സ്റ്റേറ്റ് ജയിൽ-സാക്രമെന്റോ, ലഹരിവസ്തുക്കളുടെ ദുരുപയോഗ ചികിത്സാ കേന്ദ്രം, സാലിനാസ് വാലി സ്റ്റേറ്റ് ജയിൽ എന്നിവിടങ്ങളിലെ ഉയർന്ന സുരക്ഷാ യാർഡുകളിൽ തടവുകാരുടെ നീക്കത്തിന് നിയന്ത്രണമുണ്ടായിരുന്നു, ഫോൺ കോളുകളും സന്ദർശനങ്ങളും റദ്ദാക്കിയതായി വകുപ്പ് അറിയിച്ചു.
ജീവനക്കാർ ജയിലുകളിൽ നടത്തിയ തിരച്ചിൽ 166 ഇംപ്രൊവൈസ്ഡ് ആയുധങ്ങൾ, 159 ഫോണുകൾ, 65 ഹൈപ്പോഡെർമിക് സൂചികൾ എന്നിവയുൾപ്പെടെ 850-ലധികം നിരോധിത വസ്തുക്കൾ പിടിച്ചെടുത്തുവെന്ന് സി ഡി സി ആർ പറഞ്ഞു.
ഏപ്രിൽ 4 ന് മ്യൂൾ ക്രീക്ക് സ്റ്റേറ്റ് ജയിലിലും ഏപ്രിൽ 5 ന് കാലിഫോർണിയ കറക്ഷണൽ ഇൻസ്റ്റിറ്റ്യൂഷനിലും ഏപ്രിൽ 8 ന് സലിനാസ് വാലി സ്റ്റേറ്റ് ജയിലിലും സംശയിക്കപ്പെടുന്ന തടവുകാരുടെ കൊലപാതകങ്ങൾ റിപ്പോർട്ട് ചെയ്യപ്പെട്ടു. മാർച്ച് 14 ന് വാസ്കോ സ്റ്റേറ്റ് ജയിലിലും ഒരു തടവുകാരൻ കൊല്ലപ്പെട്ടു.
ശനിയാഴ്ച, ലാസൻ കൗണ്ടിയിലെ ഹൈ ഡെസേർട്ട് സ്റ്റേറ്റ് ജയിലിൽ സഹതടവുകാരനായ റോഡ്ജർ ബ്രൗൺ ആക്രമിച്ചതിനെ തുടർന്ന് വില്യം കൗസ്റ്റെ എന്ന മറ്റൊരു തടവുകാരൻ മരിച്ചുവെന്ന് സിഡിസിആർ റിപ്പോർട്ട് ചെയ്തു.
