ഇസ്ലാമാബാദ്: പാകിസ്ഥാനിൽ വൻ സ്ഫോടനം. 10 പാക് സൈനികർ കൊല്ലപ്പെട്ടു. പാകിസ്ഥാനിലെ ബലൂച് തലസ്ഥാനമായ ക്വറ്റയിലാണ് സ്ഫോടനം നടന്നത്. സൈനികര് സഞ്ചരിച്ച വാഹനം റിമോട്ട് കണ്ട്രോള് സഹായത്തോടെ ഐ ഇ ഡി ഉപയോഗിച്ചാണ് തകര്ത്തത്. ആക്രമണത്തിന്റെ ഉത്തരവാദിത്വം ബലൂചിസ്ഥാന്റെ സ്വാതന്ത്ര്യത്തിനായി പോരാടുന്ന ബലൂച് ലിബറേഷന് ആര്മി ഏറ്റെടുത്തു. സ്ഫോടനത്തിന്റെ ദൃശ്യങ്ങള് ലിബറേഷന് ആര്മി അവരുടെ വെബ്സൈറ്റിലൂടെ പുറത്തുവിടുകയും ചെയ്തിട്ടുണ്ട്. ആക്രമണത്തില് നിരവധി പേര്ക്ക് പരിക്കേറ്റതായും ചിലരുടെ പരിക്ക് ഗുരുതരമാണെന്നും പാക് സൈനിക വക്താവ് പറഞ്ഞു.പാക്കിസ്ഥാന് സൈന്യത്തിനെതിരായ തങ്ങളുടെ പ്രവര്ത്തനങ്ങള് തീവ്രമായി തുടരുമെന്ന് ബലൂച് ലിബറേഷന് ആര്മി പറഞ്ഞു. സുബേദാര് ഷെഹ്സാദ് അമീന്, നായിബ് സുബേദാര് അബ്ബാസ് തുടങ്ങിയവര് കൊല്ലപ്പെട്ട സൈനികരില് ഉള്പ്പെട്ടിട്ടുണ്ട്.
സമാജിയോ മോട്ടേഴ്സിന്റെ നവീകരിച്ച കാസര്കോട് ഷോറൂം ഉദ്ഘാടനം ചെയ്തു
Tuesday, 14 July 2026, 16:01
