പാലക്കാട്: ചെറിയമ്മയുടെ ഒത്താശയോടെ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിലെ പ്രതിയെ ഇന്റര്‍പോളിന്റെ സഹായത്തോടെ അറസ്റ്റു ചെയ്തു. പാലക്കാട്, തെങ്കര, വെള്ളാരംകുന്ന്, മാളികയില്‍ വീട്ടില്‍ അബ്ദുല്‍ അസീസിനെയാണ് മണ്ണാര്‍ക്കാട് പൊലീസ് അറസ്റ്റു ചെയ്തത്. പീഡനത്തിനു ഇരയായ പെണ്‍കുട്ടിയുടെ ചെറിയമ്മയുടെ ഇഷ്ടക്കാരനാണ് അബ്ദുല്‍ അസീസ്. ചെറിയമ്മയുടെ ഒത്താശയോടെ 2022ല്‍ ആണ് പെണ്‍കുട്ടിയെ പീഡിപ്പിച്ചത്. ചെറിയമ്മയെ അന്നു തന്നെ അറസ്റ്റ് ചെയ്തിരുന്നുവെങ്കിലും അബ്ദുല്‍ സലീം സൗദി അറേബ്യയിലേക്ക് മുങ്ങുകയായിരുന്നു.