കൊച്ചി: കെഎസ്ആര്ടിസി ബസില് കഞ്ചാവ് കടത്തിയ യുവതികള് പൊലീസ് പിടിയില്. ഒഡീഷ സ്വദേശികളായ സ്വര്ണലത, ഗീതാഞ്ജലി ബഹ്റ എന്നിവരാണ് പിടിയിലായത്. ഇവരുടെ കയ്യിലുണ്ടായിരുന്ന
7 കിലോ കഞ്ചാവ് പെരുമ്പാവൂര് എഎസ്പിയുടെ പ്രത്യേക അന്വേഷണ സംഘവും കാലടി പൊലീസും ചേര്ന്ന് പിടികൂടി. തിങ്കളാഴ്ച പുലര്ച്ചെ നാലു മണിയോടെ ഇവര് പിടിയിലായത്. സംശയം തോന്നാതിരിക്കാന് നാല് വയസുള്ള ആണ്കുട്ടിയെ ഇവര് കൂടെ കൂട്ടിയിരുന്നു. എന്നാല് മുന്പും കഞ്ചാവ് കടത്തിയിട്ടുള്ള ഇവര് രഹസ്യവിവരത്തെ തുടര്ന്ന് നിരീക്ഷണത്തിലായിരുന്നു എന്ന് പൊലീസ് പറഞ്ഞു. ഒഡീഷയില് നിന്നും പ്രത്യേകം പൊതിഞ്ഞ് ബാഗില് ആക്കിയാണ് കഞ്ചാവ് കൊണ്ടുവന്നത്. എസ്ഐമാരായ ജോസി ജോണ്, ഉണ്ണി, ഷാജി എന്നിവരുടെ നേതൃത്വത്തിലാണ് ഇവരെ പിടികൂടിയത്.
പ്രതികളെ കേന്ദ്രീകരിച്ച് കൂടുതല് അന്വേഷണം നടത്തുമെന്ന് പൊലീസ് പറഞ്ഞു.
കാറ്റിലും മഴയിലും വൻ നാശനഷ്ടം: മംഗൽപാടി അമ്പാറിൽ മരം പൊട്ടിവീണു, ഇലക്ട്രിക് പോസ്റ്റുകളും തകർന്നു
Thursday, 2 July 2026, 18:32
