ബൈക്കുകള് കൂട്ടിയിടിച്ചുണ്ടായ അപകടത്തില് യക്ഷഗാന കലാകാരന് മരിച്ചു. മംഗളാദേവി യക്ഷഗാനമേള ട്രൂപ്പ് അംഗം യക്ഷഗാന ഭാഗവതര് സതീഷ് ആചാരി (40) ആണ് മരിച്ചത്. ഞായറാഴ്ച രാത്രി സുള്ള്യയില് ഒരു യക്ഷഗാന പരിപാടി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് അപകടം. ഗുരുതരമായി പരിക്കേറ്റ സതീഷ് സംഭവസ്ഥലത്ത് വെച്ചുതന്നെ മരിച്ചു. ബല്ത്തങ്ങാടി അണ്ടിഞ്ചെ പിലിയുരു മാനെയിലാണ് സതീഷ് താമസിച്ചിരുന്നത്. അപകടത്തില് മറ്റൊരു ബൈക്ക് യാത്രക്കാരനു ഗുരുതരമായി പരിക്കേറ്റു. ഇയാളെ അടുത്തുള്ള ആശുപത്രിയില് പ്രവേശിപ്പിച്ചു. അപകടത്തില് വേണൂര് പൊലീസ് കേസെടുത്തു. പരേതനായ ആനി ആചാര്യയുടെയും വിനോദ് ആചാര്യയുടെയും മകനാണ് സതീഷ്.
