കാസര്‍കോട്: വീട് പൂട്ടിപ്പോയതിന് പിന്നാലെ വതില്‍ തകര്‍ത്ത് പണവും സ്വര്‍ണ്ണവും കവര്‍ച്ച ചെയ്തതായി പരാതി. തെക്കെ തൃക്കരിപ്പൂര്‍ കക്കുന്നത്തെ ചാലക്കോട് വീട്ടില്‍ സി.ജിതിന്റെ വീട്ടിലാണ് കവര്‍ച്ച നടന്നത്. ഞായറാഴ്ച 9 ന് രാത്രി 8 നും 11.30 നും ഇടയിലാണ് കവര്‍ച്ച നടന്നതെന്ന് കരുതുന്നു. വീടിന്റെ മുന്‍ഭാഗത്തെ പൂട്ട് തകര്‍ത്ത് അകത്ത് കടന്ന മോഷ്ടാവ് അലമാരയില്‍ സൂക്ഷിച്ച 10,000 രൂപയും മേശവലിപ്പില്‍ ഉണ്ടായിരുന്ന 20,000 രൂപയുമാണ് കവര്‍ന്നത്. കുടാതെ മേശവലിപ്പില്‍ സൂക്ഷിച്ച മുക്കാല്‍ പവന്‍ വരുന്ന രണ്ട് സ്വര്‍ണ്ണമോതിരവും മോഷ്ടാവ് കവര്‍ന്നു. പരാതിയില്‍ ചന്തേര പൊലീസ് കേസെടുത്ത് അന്വേഷണം ആരംഭിച്ചു.