കണ്ണൂർ: കേന്ദ്രം കേരളത്തെ അവഗണിക്കുന്നു എന്ന് ആരോപിച്ച് റോഡിൽ പന്തൽ കെട്ടി കസേരയിട്ട് ഗതാഗതം തടസ്സപ്പെടുത്തുകയും, പൊതുഗതാഗതം തടസ്സപ്പെടുത്തുന്നതിനെതിരെ ഹൈക്കോടതി പുറപ്പെടുവിച്ച നിർദ്ദേശം ലംഘിക്കുകയും ചെയ്തെന്നാരോപിച്ചു സി.പി.എം. കണ്ണൂർ ജില്ലാ സെക്രട്ടറി എം.വി.ജയരാജനും കെ.വി. സുമേഷ് എം.എൽ.എയുമുൾപ്പെടെ 5000 ത്തോളം പേർക്കെതിരെ പൊലീസ് കേസെടുത്തു. സി.പി.എം. നേതൃത്വത്തിൽ ചൊവ്വാഴ്ച നടന്ന പോസ്റ്റ് ഓഫീസ് മാർച്ചിനെതിരെയാണ് കേസ്. അതേസമയം പൊലീസിൻ്റെ നോട്ടീസ് കിട്ടിയെന്നും അതു മടക്കി പോക്കറ്റിൽ ഇട്ടിട്ടുണ്ടെന്നും ജയരാജൻ വെളിപ്പെടുത്തി.