കണ്ണൂര്‍: വളപട്ടണം പാലത്തിന് മുകളില്‍ കാര്‍ സ്‌കൂട്ടറിലിടിച്ചു. തെറിച്ചുവീണ ഫ്‌ളോര്‍ മില്ലുടമ ലോറിക്കടിയില്‍ പെട്ട് മരിച്ചു. ഏഴാംമൈല്‍ കക്കാഞ്ചാലിലെ ബാലകൃഷ്ണന്റെ മകന്‍ രാജേഷ് അയ്യപ്പന്‍(49) ആണ് മരിച്ചത്. വെള്ളിയാഴ്ച രാവിലെ 11 മണിയോടെയായിരുന്നു അപകടം.കാറിടിച്ച് തെറിച്ച് വീണ രാജേഷ് പിന്നാലെ വന്ന ലോറിക്കടിയില്‍പെടുകയായിരുന്നു. ഗുരുതരമായി പരിക്കേറ്റ രാജേഷ് സംഭവ സ്ഥലത്തുവച്ചുതന്നെ മരണപ്പെട്ടു. കാക്കാഞ്ചാലില്‍ ഫ്ളോര്‍മില്‍ നടത്തിവരികയാിരുന്നു മരിച്ച രാജേഷ്. അപകടത്തെ തുടര്‍ന്ന് വളപട്ടണം ദേശീയപാതയില്‍ ഗതാഗത തടസമുണ്ടായി. എസ് ഐ ടിഎം വിപിനും സംഘവും എത്തി മൃതദേഹം ആശുപത്രിയിലേക്ക് മാറ്റി.