ആലപ്പുഴ: വിദ്യാർത്ഥിയായ മകളെ ഹോസ്റ്റലിൽ എത്തിച്ചു മടങ്ങുകയായിരുന്നു പിതാവ് വാഹനാപകടത്തിൽ മരിച്ചു. കെഎസ്ആർടിസി ലോ ഫ്ലോർ ബസ്സും കാറും കൂട്ടിയിടിച്ചാണ് കാറിൽ ഉണ്ടായിരുന്നു പിതാവ് മരിച്ചത്. ആലപ്പുഴ ഇരവുകാട് പതിയാംകുളങ്ങര അറയ്ക്കൽ വീട്ടിൽ ശശിധരൻ (58 )ആണ് മരിച്ചത്.പാലായിലെ കോച്ചിംഗ് സെന്റർ എൻട്രൻസ് വിദ്യാർഥിനി യായ മകളെ ഹോസ്റ്റലിൽ എത്തിച്ച ശേഷം കാറിൽ മടങ്ങുകയായിരുന്നു. ദേശീയപാതയിലെ തുമ്പോളി ജംഗ്ഷനടുത്തെ കാർ ഷോറൂമിന് മുന്നിലായിരുന്നു അപകടം. ശശിധരനാണ് കാർ ഓടിച്ചിരുന്നത്.