കാസര്‍കോട്: ആശുപത്രി ജീവനക്കാരിയായ യുവതിയെ കയറിപ്പിടിച്ചതായി പരാതി. യുവാവിനെ ചന്തേര പൊലീസ് അറസ്റ്റു ചെയ്തു. ചെറുവത്തൂര്‍, പയ്യങ്കി സ്വദേശി നൗഫലി(30) നെയാണ് പൊലീസ് അറസ്റ്റു ചെയ്തത്. കഴിഞ്ഞ ദിവസം ചന്തേര പൊലീസ് സ്റ്റേഷന്‍ പരിധിയിലെ ഒരു സ്വകാര്യ ആശുപത്രിയിലാണ് സംഭവം. രോഗിയുടെ കൂടെ സഹായത്തിനെത്തിയതായിരുന്നു നൗഫല്‍. റൂം വൃത്തിയാക്കാന്‍ എത്തിയ യുവതിയെയാണ് ഇയാള്‍ കയറിപ്പിടിച്ചതെന്നാണ് പരാതി. യുവതി ബഹളം വച്ചതോടെ മറ്റു ജീവനക്കാരെത്തി പൊലീസിനെ വിവരം അറിയിക്കുകയായിരുന്നു. പൊലീസ് സ്ഥലത്തെത്തി യുവതിയില്‍ നിന്നു മൊഴിയെടുത്ത ശേഷം പ്രതിയെ അറസ്റ്റു ചെയ്യുകയായിരുന്നു.