പഴയങ്ങാടി: വയലിനരികിലൂടെ സ്‌കൂളിലേക്ക് പോകുന്നതിനിടെ വിദ്യാര്‍ത്ഥിനി തോട്ടിലേക്ക് വീണു മരിച്ചു. മാടായി ഗവ.ഗേള്‍സ് സ്‌കൂള്‍ പത്താം ക്ലാസ് വിദ്യാര്‍ത്ഥിനി എന്‍.വി.ശ്രീനന്ദ(16)യാണ് മരിച്ചത്. വെള്ളിയാഴ്ച്ച രാവിലെ 8.45 നായിരുന്നു ദാരുണസംഭവം. നടന്ന് പോകുന്നതിനിടയില്‍ വയലിനരികിലെ തോട്ടിലേക്ക് കുഴഞ്ഞ് വീഴുകയായിരുന്നു. സഹോദരനും മറ്റ് വിദ്യാര്‍ത്ഥികള്‍ക്കൊപ്പം സ്‌കൂളില്‍ പോകുമ്പോഴാണ് അപകടം. വീണ വിദ്യാര്‍ഥിനിയെ ഉടനെ രക്ഷപ്പെടുത്താന്‍ ശ്രമം നടത്തി.സാധിക്കാതെ വന്നതിനാല്‍ കുട്ടികള്‍ സമീപത്തെ വീട്ടുകാരുടെ സഹായം തേടി. പരിയാരം കണ്ണൂര്‍ ഗവ. മെഡിക്കല്‍ കോളേജില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. വെങ്ങര നടക്കു താഴെ എന്‍.വി സുധീഷ് കുമാറിന്റെയും സുജയുടെയും മകളാണ്. വിശ്വജിത്ത് സഹോദരന്‍.
സ്വകാര്യ ഇന്ഷൂറന്സ് കമ്പനി സീനിയര് ഏരിയാ മാനേജര് അസുഖം മൂലം മരിച്ചു
Wednesday, 5 February 2025, 14:42
