ആലപ്പുഴ: 12 കാരിയായ ദളിത് പെണ്‍കുട്ടിയുടെ നേരെ ലൈംഗികാതിക്രമം കാട്ടിയ 58 കാരന്‍ അറസ്റ്റില്‍. മണ്ണഞ്ചേരി പൊന്നാട് സ്വദേശി സുഭാഷ് ചന്ദ്രബോസ് ആണ് അറസ്റ്റിലായത്. പെണ്‍കുട്ടിയുടെ മടിയിലിരുന്ന അനുജനായ കുഞ്ഞിനെ എടുത്ത് ഓമനിക്കാനെന്ന വ്യാജേന സമീപിച്ച ശേഷം ഇയാള്‍ പെണ്‍കുട്ടിയുടെ ശരീരഭാഗങ്ങളില്‍ അമര്‍ത്തി വേദനിപ്പിക്കുകയായിരുന്നു. കഴിഞ്ഞ നവംബര്‍ 16 നാണ് സംഭവം. കഴിഞ്ഞ ആഴ്ച പെണ്‍കുട്ടി സ്റ്റേഷനിലെ ശിശുസൗഹൃദ മുറിയില്‍വച്ചാണ് പൊലീസിനോട് ഇക്കാര്യം പറഞ്ഞത്. തുടര്‍ന്ന് വൈദ്യപരിശോധനയ്ക്കു വിധേയമാക്കുകയായിരുന്നു. പിന്നീട് പൊലീസ് ഒളിവിലായിരുന്ന പ്രതിയെ പിടികൂടി.