കാസര്‍കോട്: ഇന്ത്യാ ബുക്ക് ഓഫ് റെക്കോര്‍ഡില്‍ ഇടം പിടിച്ച് കാസര്‍കോട്, അണങ്കൂര്‍ സ്വദേശിനിയായ രണ്ടു വയസ്സുകാരി മര്‍യം അമാനി അഷ്ഫാഖ് അഭിമാനമായി. കാസര്‍കോട് കോഹിനൂര്‍ ട്രാവല്‍സിലെ യൂസുഫ് അഷ്ഫാഖിന്റെയും നെല്ലിക്കുന്നിലെ നൗറിന്‍ ഷംനാസിന്റെയും മകളാണ്.
മൂന്നു ഇംഗ്ലീഷ് റൈമുകളും ഇംഗ്ലീഷ് അക്ഷരമാലയും ശരീരത്തിലെ 14 ഭാഗങ്ങളും, ജലജന്തുക്കള്‍, വളര്‍ത്തു മൃഗങ്ങള്‍, വന്യമൃഗങ്ങള്‍, ഭക്ഷ്യവസ്തുക്കള്‍, നിറങ്ങള്‍, പ്രാണികള്‍, കാര്‍ട്ടൂണ്‍ കഥാപാത്രങ്ങള്‍ എന്നിവ ഉള്‍പ്പെടെ 160 ചിത്രങ്ങളും നാലു മിനിറ്റു കൊണ്ട് തിരിച്ചറിഞ്ഞാണ് റെക്കോര്‍ഡ് നേടിയത്.
