കാസര്കോട്: മേല്പ്പറമ്പ്, കീഴൂര്, കളനാട്ട് ട്രെയിന് അട്ടിമറിക്കാന് ശ്രമം. ചൊവ്വാഴ്ച പുലര്ച്ചെ 1.20 മണിയോടെയാണ് സംഭവം. ട്രാക്കില് കരിങ്കല്ല് കയറ്റി വച്ച് അമൃത്സര്-കൊച്ചുവേളി എക്സ്പ്രസ് അട്ടിമറിക്കാനാണ് ശ്രമം ഉണ്ടായത്. ലോക്കോ പൈലറ്റ് വിവരമറിയിച്ചതിനെ തുടര്ന്ന് കാസര്കോട് റെയില്വെ പൊലീസ് സ്ഥലത്തെത്തി നടത്തിയ പരിശോധനയിലാണ് രണ്ടു പേരെ പിടികൂടിയത്. ഇവരെ ചോദ്യം ചെയ്തു വരുന്നു. കൂടുതല് വിവരങ്ങള് ഉച്ചയോടെ പുറത്തു വിടുമെന്ന് റെയില് പൊലീസ് വൃത്തങ്ങള് പറഞ്ഞു. ഏതാനും ദിവസം മുമ്പ് കളനാട്ട് വച്ച് വന്ദേഭാരത് എക്സ്പ്രസിനു കല്ലെറിഞ്ഞു ചില്ലു തകര്ത്ത സംഭവത്തില് 17 വയസ്സുള്ള ഒരാളെയും പൊലീസ് പിടികൂടിയിട്ടുണ്ട്.
