കാസർകോട്: തൃക്കരിപ്പൂർ കാരോളത്ത് ബസ് ഇടിച്ചു പരിക്കേറ്റ കാൽനടക്കാരൻ മരിച്ചു. സൗത്ത് തൃക്കരിപ്പൂരിലെ ഇളംബച്ചി വടക്കേ മനയിലെ കുഞ്ഞി കൃഷ്ണ(50)നാണ് മരിച്ചത്. തിങ്കളാഴ്ച ഉച്ചയ്ക്ക് ഒരു മണിയോടെയാണ് സംഭവം. ബസ് സ്റ്റോപ്പിന് സമീപം നടന്നു പോകുന്നതിനിടെ ബസ് ഇടിക്കുകയായിരുന്നു. ആശുപത്രിയിൽ എത്തിച്ചുവെങ്കിലും മരണപ്പെട്ടു. സംസ്കാരം ചൊവ്വാഴ്ച രാവിലെ സമുദായ ശ്മശാനത്തിൽ നടക്കും. പരേതനായ സി ടി കൃഷ്ണൻ നമ്പ്യാരുടെയും കെഎം ഗൗരിയുടെയും മകനാണ്. സഹോദരങ്ങൾ: മുരളീധരൻ, മൃദുല, രാമദാസ്, ജയകൃഷ്ണൻ.