കാസര്‍കോട്: മലേഷ്യയിലെ ക്വാലാലമ്പൂരില്‍ നടന്ന സ്പീഡ് പവര്‍ ഓപ്പണ്‍ ഇന്റര്‍നാഷണല്‍ തയ്‌കോണ്ടോ ചാമ്പ്യന്‍ഷിപ്പില്‍ ജംബിങ് ഹൈ സിസ്സര്‍ കിക്ക് മത്സരത്തില്‍ പങ്കെടുത്ത കിരണ്‍ ശശികുമാര്‍ ഇന്ത്യക്ക് വേണ്ടി സ്വര്‍ണ്ണം നേടി. കാസര്‍കോട് ചെറുവത്തൂര്‍ പൊന്മാലം സ്വദേശിയാണ് കിരണ്‍. സെമിയില്‍ മലേഷ്യന്‍ താരത്തെയും, ഫൈനലില്‍ ചൈനീസ് താരത്തെയും മറികടന്നാണ് ഈ നേട്ടം കൈവരിച്ചത്.
വിവിധ രാജ്യങ്ങളില്‍ നിന്ന് ആയിരത്തഞ്ഞൂറോളം കായിക താരങ്ങള്‍ അണിനിരന്ന മത്സരത്തില്‍ വിവിധ സംസ്ഥാനങ്ങളില്‍ നിന്നായി അറുപതോളം കായികതാരങ്ങള്‍ പങ്കെടുത്തിരുന്നു.
ചെറുവത്തൂരിലെ ഗ്രാന്‍ഡ്മാസ്റ്റര്‍ മാര്‍ഷ്യല്‍ ആര്‍ട്‌സ് അക്കാഡമിയിലെ അനില്‍ മാസ്റ്ററാണ് പരിശീലകന്‍.
ചെറുവത്തൂര്‍ പൊന്മാലത്തെ പ്രൊഫ. ശശികുമാറിന്റെയും(സെന്റ്. ജോസഫ് കോളേജ്, പിലാത്തറ), എസ് ഇന്ദുവിന്റെയും(സി ആര്‍. ഡി നീലേശ്വരം) മകനാണ് കിരണ്‍. ഏക സഹോദരി കൃഷ്ണേന്ദു.
