കാസർകോട്: കുമ്പള ടൗണിനടുത്ത് റോഡിൽ ആൽമരം പൊട്ടി വീണ് ഗതാഗതം തടസ്സപ്പെട്ടു. വൈദ്യുതി പോസ്റ്റ് തകർന്നതിനെ തുടർന്ന് ശാന്തിപ്പള്ളം ഭാഗത്ത് വൈദ്യുതി വിതരണവും തടസ്സപ്പെട്ടിട്ടുണ്ട്. ചൊവ്വാഴ്ച വൈകിട്ട് 5:45 നോട് അടുപ്പിച്ചാണ് അപകടം ഉണ്ടായത്. വിവരമറിഞ്ഞു കാസർകോട്ട് നിന്ന് ഫയർ ഫോഴ്സ് കുമ്പളയിലേക്ക് തിരിച്ചിട്ടുണ്ട്. കുമ്പള-ബദി യടുക്ക റോഡിൽ മോണിക്ക ചർച്ചിനും പെട്രോൾ പമ്പിനും ഇടയിലാണ് അപകടമുണ്ടായത്. മരം വീണ ഭാഗത്ത് കൂടി വാഹനങ്ങൾ കഷ്ടിച്ച് പോകുന്നുണ്ടെങ്കിലും ഗതാഗത തടസ്സം അനുഭവപ്പെടുന്നുണ്ട്.