കാസർകോട്: സ്‌കൂള്‍വിട്ട് വീട്ടിലേയ്ക്കു നടന്നുപോവുകയായിരുന്ന ഒന്‍പതാം ക്ലാസ് വിദ്യാര്‍ത്ഥിനിക്ക് കുത്തേറ്റു. പെര്‍ഡാല നവജീവന്‍ സ്‌കൂളിലെ പെണ്‍കുട്ടിക്കാണ് കുത്തേറ്റത്. ഇന്നലെ വൈകുന്നേരമാണ് സംഭവം. പെണ്‍കുട്ടി നടന്നുപോകുന്നതിനിടയില്‍ പിന്നാലെ നടന്നെത്തിയ ബദിയഡുക്ക ഗവ.ഹൈസ്‌കൂളിലെ ഏഴാംതരം വിദ്യാര്‍ത്ഥിയായ 15കാരനാണ് മുതുകില്‍ കുത്തി പരിക്കേല്‍പ്പിച്ചത്. ഭിന്നശേഷിക്കാരനാണ് അക്രമം നടത്തിയത്. പെണ്‍കുട്ടി ആശുപത്രിയില്‍ ചികിത്സ തേടി. ആക്രമണ കാരണം വ്യക്തമല്ല. പൊലീസ് അന്വേഷണം തുടങ്ങി.