തിരുവനന്തപുരം:രാഷ്ട്രീയ പോരിനിടയിലും ഗവര്‍ണരുടെ ക്രിസ്മസ് വിരുന്നിന് 7 ലക്ഷം രൂപ അനുവദിച്ച്‌ സംസ്ഥാന സര്‍ക്കാര്‍.ട്രഷറി നിയന്ത്രണത്തില്‍ ഇളവ് വരുത്തിയാണ് ഗവര്‍ണറുടെ ക്രിസ്മസ് വിരുന്നിന് പണം അനുവദിച്ചത്. കഴിഞ്ഞ ദിവസമായിരുന്നു രാജ്ഭവനില്‍ പൗര പ്രമുഖര്‍ക്കുള്ള ക്രിസ്മസ് വിരുന്ന് നടന്നത്. അതിനിടെ സംസ്ഥാനത്തെ ഒരു ക്യാമ്പസ്സിലും ഗവര്‍ണറെ കാലുകുത്തിക്കില്ലെന്ന എസ്‌എഫ്‌ഐ വെല്ലുവിളി ഏറ്റെടുത്ത് ഗവര്‍ണര്‍ ആരിഫ് മുഹമ്മദ് ഖാൻ. 16 ന് കോഴിക്കോടെത്തുന്ന ഗവർണർ 18 വരെ  താമസിക്കുന്നത് സര്‍വ്വകലാശാല ഗസ്റ്റ് ഹൗസിലാണ്. നേരത്തെ കോഴിക്കോട്ടെ സര്‍ക്കാര്‍ ഗസ്റ്റ് ഹൗസില്‍ താമസിക്കാനായിരുന്നു തീരുമാനം. എസ്‌എഫ്‌ഐ പ്രഖ്യാപനം വന്നതോടെ താമസം ക്യാമ്പസിനുള്ളിലെ ഗസ്റ്റ് ഹൗസിലേക്ക് മാറ്റുകയായിരുന്നു. കാറിന് മുന്നിലേക്ക് എസ്‌എഫ്‌ഐക്കാര്‍ ചാടിയാല്‍ താൻ ഇറങ്ങിവരുമെന്നും  ആരിഫ് മുഹമ്മദ് ഖാൻ പറഞ്ഞിരുന്നു.