തിരുവനന്തപുരം: മദ്യം നല്‍കി അബോധാവസ്ഥയിലാക്കി മധ്യവയസ്‌കനെ പ്രകൃതിവിരുദ്ധ ലൈംഗീക പീഡനത്തിന് ഇരയാക്കിയ സംഭവത്തില്‍ യുവാവ് അറസ്റ്റില്‍. ആനാട് കൊല്ലങ്കാവ് സ്വദേശി എസ് ദീപു (30) ആണ് അറസ്റ്റിലായത്. പ്രകൃതിവിരുദ്ധ പീഡനത്തിന് ഇരയായ 52 കാരന്‍ ആശുപത്രിയില്‍ ചികിത്സ തേടിയതോടെയാണ് പീഡന വിവരം പുറത്തറിഞ്ഞത്. തുടര്‍ന്ന് ആരോഗ്യ പ്രവര്‍ത്തകര്‍ പോലീസിനെ വിവരമറിയിക്കുകയായിരുന്നു. സംഭവത്തില്‍ പോലീസ് കേസെടുത്ത് അന്വേഷണം നടത്തുകയും പ്രതിയെ അറസ്റ്റ് ചെയ്യുകയുമായിരുന്നു. സ്റ്റേഷന്‍ ഓഫിസര്‍ ശ്രീകുമാരന്‍ നായരുടെ നേതൃത്വത്തില്‍ എസ്‌ഐമാരായ ശ്രീലാല്‍ ചന്ദ്രശേഖരന്‍, മുഹ്സിന്‍ മുഹമ്മദ്, ഷാജി, സിപിഒമാരായ അഖില്‍കുമാര്‍, ശ്രീജിത്, ബിജു, രാജേഷ് കുമാര്‍ എന്നിവരടങ്ങിയ സംഘമാണ് കേസ് അന്വേഷിച്ചത്. അറസ്റ്റ് ചെയ്ത ദീപുവിനെ കോടതിയില്‍ ഹാജരാക്കിയതിന് ശേഷം റിമാന്‍ഡ് ചെയ്തു.
